മാഡ്രിഡ്: ഫ്രാന്സ് സൂപ്പര് താരം കിലിയന് എംബപ്പെ ഇനി റയല് മാഡ്രിഡിനായി കളിക്കും. സാന്റിയാഗോ ബെര്ണബ്യൂവില് ആരാധകര്ക്ക് മുന്നില് ഈ 25 കാരനെ ക്ലബ് ഔദ്യോഗികമായി അവതരിപ്പിച്ചു. 2029വരെയാണ് അദ്ദേഹം റയല് മാഡ്രിഡിനായി ബൂട്ടണിയുക.
ഒമ്പതാം നമ്പര് ജേഴ്സിയിലാകും റയിലനായി അദ്ദേഹം ഇറങ്ങുക. 2009 ല് മാഞ്ചസ്റ്റര് യുണൈറ്റഡില് നിന്നും റയല് മാഡ്രിഡിലെത്തിയ ക്രിസ്റ്റാനോ റൊണാള്ഡോ ആദ്യം അണിഞ്ഞിരുന്നത് ഒമ്പതാം നമ്പര് ജേഴ്സിയായിരുന്നു.
നേരത്തെ, പിഎസ്ജി യില് 10-ാം നമ്പര് ജേഴ്സിയിലായിരുന്നു എംബപ്പെ കളിച്ചിരുന്നത്. മുമ്പ് ഫ്രാന്സിന്റെ തന്നെ താരമായിരുന്ന കരീം ബെന്സെമയും റയല് മാഡ്രിഡില് ഒമ്പതാം നമ്പര് ജേഴ്സി അണിഞ്ഞിരുന്നു.
പിഎസ്ജി വിട്ട എംബപ്പെ ഫ്രീ ട്രാന്സ്ഫറിലാണ് മാഡ്രിഡില് എത്തിയിരിക്കുന്നത്. കഴിഞ്ഞ സീസണില് ഏകദേശം നടക്കുമെന്ന് ഉറപ്പായ ഡീല് അവസാന നിമിഷം പാളിയിരുന്നു. തുടര്ന്ന് ഈ വര്ഷമാണ് റയല് മാഡ്രിഡിന് താരത്തെ സ്വന്തമാക്കാനായത്.