ഏകദിനത്തിൽ ദക്ഷിണാഫ്രിക്കയെ അട്ടിമറിച്ച് അഫ്ഗാൻ; ഇത് ചരിത്രം !

അന്താരാഷ്ട്ര ക്രിക്കറ്റിൻ്റെ ചരിത്രത്തിൽ ആദ്യമായി ദക്ഷിണാഫ്രിക്കയെ തോൽപ്പിച്ച് അഫ്ഗാനിസ്ഥാൻ. ഷാർജയിൽ നടന്ന ആദ്യ ഏകദിനത്തിൽ അഫ്ഗാനിസ്ഥാൻ ദക്ഷിണാഫ്രിക്കയെ 6 വിക്കറ്റിനാണ് തോൽപ്പിച്ചത്.

106 റൺസിന് ദക്ഷിണാഫ്രിക്കയെ എറിഞ്ഞിട്ട അഫ്ഗാൻ 26 ഓവറിൽ വിജയത്തിലെത്തി. 52 റൺസ് നേടിയ വിയാൻ മുൾഡർ മാത്രമാണ് ദക്ഷിണാഫ്രിക്കൻ നിരയിൽ പൊരുതിയത്. അഫ്ഗാനിസ്ഥാന് വേണ്ടി ഫസൽഹഖ് ഫറൂഖി 4 വിക്കറ്റ് നേടി.