പരിക്ക് ഭേദമായില്ല, ഇന്ത്യയ്‌ക്കെതിരായ രണ്ടാം ടെസ്റ്റിനും ന്യൂസിലാൻഡ് താരം കെയ്ൻ വില്യംസൺ ഇല്ല

പരിക്ക് ഭേദമാകാത്തതിനെ തുടർന്ന് ഇന്ത്യയും ന്യൂസിലാൻഡും തമ്മിലുള്ള രണ്ടാം ടെസ്റ്റിനും കെയ്ൻ വില്യംസൺ ഉണ്ടാകില്ല. ഒക്‌ടോബർ 24-ന് പുണെയിലാണ് രണ്ടാം ടെസ്റ്റ്. കഴിഞ്ഞ മാസം ശ്രീലങ്കൻ പര്യടനത്തിനിടെയാണ് വില്യംസണിന് പരിക്കേറ്റത്.

ന്യൂസിലാൻഡ് ടീമിനൊപ്പം അദ്ദേഹം ഇന്ത്യയിലേക്ക് വന്നിരുന്നില്ല. അസുഖം ഭേദമാകുന്നത് വരെ വീട്ടിൽ തന്നെ തുടരും. വില്യംസണിൻ്റെ അഭാവത്തിൽ മൂന്നാം നമ്പറിൽ വിൽ യങ് തന്നെ ബാറ്റ് ചെയ്യും. ബെംഗളൂരുവിൽ നടന്ന ആദ്യ ടെസ്റ്റിൽ വിൽ യങ് പുറത്താകാതെ യഥാക്രമം 33, 48 റൺസെടുത്തിരുന്നു.