ജംഷെദ്പുരിനെ തകര്‍ത്ത് ഒഡീഷ എഫ്‌സി, നായകന്റെയും വില്ലന്റെയും 'റോള്‍' ഏറ്റെടുത്ത് മൗര്‍താദ ഫോള്‍

ഭുവനേശ്വര്‍: ഇന്ത്യന്‍ സൂപ്പര്‍ ലീഗില്‍ ഇന്ന് നടന്ന ആദ്യ മത്സരത്തില്‍ ഒഡീഷ എഫ്‌സി ജംഷെദ്പുരിനെ തോല്‍പിച്ചു. 2-1നായിരുന്നു ഒഡീഷയുടെ ജയം.

20-ാം മിനിറ്റില്‍ ഡീഗോ മൗറിഷ്യോ നേടിയ ഗോളിലൂടെ ആതിഥേയരായ ഒഡീഷ ആദ്യം ലീഡെടുത്തു. 42-ാം മിനിറ്റില്‍ മൗര്‍താദ ഫോള്‍ ഒഡീഷയുടെ ലീഡുയര്‍ത്തി. 

എന്നാല്‍ ഒഡഷയ്ക്ക് ലീഡ് നല്‍കി നായകനായ മൗര്‍താദ ഫോള്‍ പ്രതിനായനാകുന്ന കാഴ്ചയ്ക്കാണ് കലിംഗ സ്റ്റേഡിയം പിന്നീട് സാക്ഷ്യം വഹിച്ചത്. 62-ാം മിനിറ്റില്‍ മൗര്‍താദ ഫോള്‍ ഓണ്‍ ഗോള്‍ വഴങ്ങിയതോടെ ജംഷെദ്പുരിന്റെ അക്കൗണ്ടിലും ഒരു ഗോള്‍ സ്വന്തമായി. എങ്കിലും മത്സരം സമനിലയിലാക്കാന്‍ പോലും അവര്‍ക്ക് പിന്നീട് സാധിച്ചില്ല.