ഷാര്‍ജയില്‍ മലയാളി ദമ്പതികളുടെ ഒന്നരവയസുകാരി മകള്‍ ചികിത്സയില്‍ കഴിയുന്നതിനിടെ മരിച്ചു

ഷാര്‍ജ: മസ്തിഷ്‌ക സംബന്ധമായ അസുഖത്തെത്തുടര്‍ന്ന് മലയാളി ദമ്പതികളുടെ ഒന്നരവയസുകാരി മകള്‍ ഷാര്‍ജയില്‍ അന്തരിച്ചു. കോട്ടയം കൊല്ലാട് സ്വദേശി ടിറ്റോ കളപ്പുരയ്ക്കല്‍ ജോയ്, മോള്‍സി തോമസ് എന്നിവരുടെ മകള്‍ ഇവ സൂസന്‍ ടിറ്റോയാണ് മരിച്ചത്.

മസ്തിഷ്‌ക സംബന്ധമായ അസുഖത്തെ തുടര്‍ന്ന് കഴിഞ്ഞ കുറച്ചു നാളുകളായി ഇവ സൂസന്‍ ചികില്‍സയില്‍ കഴിയുകയായിരുന്നു. ഷാര്‍ജ അല്‍ഖാസിമിയ ആശുപത്രിയിലായിരുന്നു ഇവ സൂസന്‍ ചികിത്സയില്‍ കഴിഞ്ഞത്.അതിനിടെയാണ് മരണം സംഭവിച്ചത്.