ബി.ജെ.പിയെ ആശയപരമായി നേരിടാന്‍ സാധിക്കുക ശശി തരൂരിന് ; അധീര്‍ രഞ്ജന്‍ ചൗധരിയെ മാറ്റി ശശി തരൂരിനെ കോണ്‍ഗ്രസ് ലോക്‌സഭ കക്ഷി നേതാവാക്കണമെന്ന് വാദിച്ച് സച്ചിന്‍ പൈലറ്റ് ; പിന്തുണച്ച് സുനില്‍ ത്ധക്കറും

ഡല്‍ഹി : കോണ്‍ഗ്രസ് ലോക്‌സഭ കക്ഷി നേതാവായ അധീര്‍ രഞ്ജന്‍ ചൗധരിയെ മാറ്റി ശശി തരൂരിനെ നിയമിക്കണമെന്ന നിലപാട് സ്വീകരിച്ച് സച്ചിന്‍ പൈലറ്റും പഞ്ചാബ് കോണ്‍ഗ്രസ് അദ്ധ്യക്ഷനുമായ സുനില്‍ ത്ധക്കറും. കോണ്‍ഗ്രസ് ഇടക്കാല അദ്ധ്യക്ഷനെ കണ്ടെത്താനുള്ള പ്രവര്‍ത്തക സമിതി യോഗത്തിലാണ് ഇരുനേതാക്കളും ഇക്കാര്യം ആവശ്യപ്പെട്ടത്.

ലോക്‌സഭ കക്ഷി നേതാവെന്ന നിലയില്‍ ആദിര്‍ രഞ്ജന്‍ ചൗധരിയുടെ പ്രവര്‍ത്തനം ഫലപ്രദമല്ല. അതിനാല്‍ ശശി തരൂരിനെ ആ പദവിയിലേക്ക് കൊണ്ടുവരണം. നിലവില്‍ നേതാവാകാന്‍ യോഗ്യന്‍ ശശി തരൂരാണെന്നും ഇരുവരും വാദിച്ചു.

ലോക്‌സഭയില്‍ ബി.ജെ.പിയെ ആശയപരമായി നേരിടാന്‍ ശശി തരൂരിനാണ് സാധിക്കുക എന്ന സന്ദേശമാണ് സച്ചിന്‍ പൈലറ്റും സുനില്‍ ത്ധക്കറും യോഗത്തിന് സമ്മാനിച്ചത്.