കോഴിക്കോട് സ്വദേശി സൗദി അറേബ്യയില്‍ നിര്യാതനായി

റിയാദ്: കോഴിക്കോട് സ്വദേശി സൗദി അറേബ്യയില്‍ നിര്യാതനായി. കാരപറമ്പ്, കരുവിശ്ശേരി, ജനത ബസ് സ്റ്റോപ്പ് തിരുത്തിയിൽ മീത്തൽ ബൈത്തുൽ അദ്ഫയിൽ മുഹമ്മദലി (63) ആണ് മരിച്ചത്.

റിയാദ് കിങ് അബ്ദുല്ല റോഡിൽ, ഡോ. ഹഫീഹ് ആശുപത്രിയിൽ ചികിത്സയിലിരിക്കെയാണ് അന്ത്യം. റിയാദിൽ ആറ് വർഷത്തോളമായി ഡ്രൈവറായി ജോലി ചെയ്യുകയായിരുന്നു.

പിതാവ്: പരേതനായ കോയ. മാതാവ്: ബിച്ച. ഭാര്യ: സുനീറ. മകൻ: അദ്‌നാൻ, ഹനാൻ, അഫ്നാൻ.