ഖത്തറിൽ ഇന്ധനവില പ്രഖ്യാപിച്ചു; സൂപ്പർ പെട്രോളിനും ഡീസലിനും വില കൂടി

ദോഹ: ഖത്തറിൽ നവംബർ മാസത്തിലെ ഇന്ധന വില പ്രഖ്യാപിച്ചു. പുതിയ നിരക്കനുസരിച്ച് സൂപ്പർ ഗ്രേഡ് പെട്രോളിനും ഡീസലിനും വില വർധിച്ചിട്ടുണ്ട്. പുതുക്കിയ നിരക്ക് പ്രകാരം പ്രീമിയം പെട്രോളിന് 1.90 റിയാൽ തന്നെ തുടരും.

എന്നാൽ സൂപ്പർ ഗ്രേഡ് പെട്രോളിന് 2.10 റിയാലായിരിക്കും പുതിയ വില. കഴിഞ്ഞ മാസം ഇത് 2.05 റിയാൽ ആയിരുന്നു. ഡീസലിനും ഇന്ന് മുതൽ വില കൂടി . 2.05 റിയാലാണ് പുതുക്കിയ നിരക്ക്. ഒക്ടോബറിൽ രണ്ട് റിയാലായിരുന്നു ‍ഡീസൽ വില.

പ്രീമിയം പെട്രോൾ വിലയിൽ ഏറ്റക്കുറച്ചിലുകൾ വന്നിരുന്നെങ്കിലും സൂപ്പർ ഗ്രേഡ് പെട്രോൾ, ഡീസൽ വിലകൾ ഒൻപത് മാസമായി വ്യത്യാസങ്ങളൊന്നുമില്ലാതെ തുടരുകയായിരുന്നു. ഇതിലാണ് ഇപ്പോൾ വർധനവ് വന്നിരിക്കുന്നത്