കൈകുമ്പിളില്‍ തന്ന കനക നിധി പൗരോഹിത്യ ജൂബിലി ഗാനം മാര്‍ ജോയ് ആലപ്പാട്ട് പ്രകാശനം ചെയ്തു

മയാമി: ഫാ. സജി പിണര്‍ക്കയില്‍ രചനയും സംഗീതവും നിര്‍വഹിച്ച് പ്രിന്‍സ് ജോസഫ് ആലാപനവും ഓര്‍ക്കസ്ട്രയും നിര്‍വഹിച്ച പൗരോഹിത്യ ജൂബിലി ഗാനം -‘കൈകുമ്പിളില്‍ തന്ന കനക നിധി’ – മാര്‍ ജോയ് ആലപ്പാട്ട് പ്രകാശനം ചെയ്തു.

കൈകുമ്പിളിലെ കനക നിധിയായ പൗരോഹിത്യം , നിത്യ പുരോഹിതന്റെ  ഇഷ്ടത്തിനൊത്ത് ജീവിക്കാന്‍ സജി അച്ചന് പ്രചോദനമാകട്ടെയെന്ന് പിതാവ് ആശംസിച്ചു. സ്വീകരിക്കുന്നതിനെക്കാള്‍ കൊടുക്കുന്നതില്‍ സംതൃപ്തി കണ്ടത്തെുന്ന സജി അച്ചന്‍ ചിക്കാഗോ രൂപതയ്ക്ക് ഒരു മാതൃകയാണന്നും പിതാവ് ഓര്‍മ്മിപ്പിച്ചു.

ജൂബിലി ഗാനം ഇതിനോടകം നൂറു കണക്കിന് ആളുകള്‍ ഏറ്റെടുത്തു. ലൂര്‍ദ്ദ്, ഫാത്തിമ, റോസാമിസ്റ്റിക്ക, മജുഗോറി തുടങ്ങിയ സ്ഥലത്തെ കാഴ്ചകള്‍ ചിത്രികരിച്ചിരിക്കുന്ന വീഡിയോ കണ്ണിന് ആനന്ദകരമാണ്. സജി പിണര്‍ക്കയില്‍ എന്ന യൂട്യൂബ് ചാനലില്‍ ഇതു കാണാന്‍ സാധിക്കും.