അന്താരാഷ്ട്ര സംഗീതോത്സവത്തിന് കുവൈറ്റിൽ തുടക്കം

കുവൈറ്റ്: അന്താരാഷ്ട്ര സംഗീതോത്സവത്തിൻ്റെ 24-ാമത് എഡിഷൻ ഞായറാഴ്ച വൈകീട്ട് ഇൻഫർമേഷൻ ആൻഡ് കൾച്ചർ മന്ത്രി അബ്ദുൽറഹ്മാൻ അൽ മുതൈരിയുടെ രക്ഷാകർതൃത്വത്തിൽ ആരംഭിച്ചു. കുവൈറ്റ് സംഗീത ചരിത്രത്തിലെ പ്രമുഖരിൽ ഒരാളായ മുഹമ്മദ് അൽ-ബ്ലൂഷിയെ സംഗീതനിശയിൽ ആദരിച്ചു.

കുവൈറ്റ്, അറബ് സംഗീത പൈതൃകം സംരക്ഷിക്കുന്നതിനും ആഘോഷിക്കുന്നതിനുമായി 1998-ൽ നാഷണൽ കൗൺസിൽ ഫോർ കൾച്ചർ, ആർട്സ് ആൻഡ് ലെറ്റേഴ്‌സ് (NCCAL) ആണ് ഈ ഉത്സവം സ്ഥാപിച്ചത്.

“കൗൺസിലിനകത്തും പുറത്തും വിവിധ സ്ഥാപനങ്ങളുമായും മേഖലകളുമായും സഹകരിച്ച് ഞങ്ങളുടെ കലാപരമായ പൈതൃകം അതിൻ്റെ എല്ലാ രൂപത്തിലും സംരക്ഷിക്കുന്നതിന് കൗൺസിലിൽ മുൻഗണന നൽകുന്നു. ഇന്ന് അതിൽ അഭിമാനിക്കുന്നു," എൻസിസിഎഎൽ സെക്രട്ടറി ജനറൽ മുഹമ്മദ് അൽ-ജാസർ തൻ്റെ ഉദ്ഘാടന പ്രസംഗത്തിൽ പറഞ്ഞു.