പ്രധാന വിഷയങ്ങളില്‍ ഒരുമിച്ച് പ്രവര്‍ത്തിക്കാന്‍ പ്രതിജ്ഞാബദ്ധമാണ്: പ്രധാനമന്ത്രി മോദിയുമായി കൂടിക്കാഴ്ച നടത്തി ട്രൂഡോ

ഡല്‍ഹി: ജി 7 ഉച്ചകോടിക്കിടെ പ്രധാനമന്ത്രി നരേന്ദ്ര മോദിയുമായി കൂടിക്കാഴ്ച നടത്തി കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോ. ചില സുപ്രധാന വിഷയങ്ങളില്‍ ഇന്ത്യയുമായി സഹകരിക്കാന്‍ തന്റെ സര്‍ക്കാര്‍ പ്രതിബദ്ധമാണെന്ന് ട്രൂഡോ വ്യക്തമാക്കി.

നമ്മള്‍ പിന്തുടരേണ്ട സുപ്രധാനവും സെന്‍സിറ്റീവുമായ ചില പ്രശ്‌നങ്ങളുടെ വിശദാംശങ്ങളിലേക്ക് ഞാന്‍ കടക്കുന്നില്ല, എന്നാല്‍ ഇത് വരും കാലങ്ങളില്‍ വളരെ പ്രധാനപ്പെട്ട ചില പ്രശ്നങ്ങള്‍ കൈകാര്യം ചെയ്യുന്നതിനായി ഒരുമിച്ച് പ്രവര്‍ത്തിക്കാനുള്ള പ്രതിജ്ഞാബദ്ധതയാണെന്ന് ട്രൂഡോ പറഞ്ഞു.

'ജി7 ഉച്ചകോടിയില്‍ കനേഡിയന്‍ പ്രധാനമന്ത്രി ജസ്റ്റിന്‍ ട്രൂഡോയുമായി കൂടിക്കാഴ്ച നടത്തി' എന്ന അടിക്കുറിപ്പോടെ വെള്ളിയാഴ്ച പ്രധാനമന്ത്രി മോദി ഇരു നേതാക്കളും ഹസ്തദാനം ചെയ്യുന്ന ചിത്രം സോഷ്യല്‍ മീഡിയയില്‍ പോസ്റ്റ് ചെയ്തിരുന്നു.