സൗദി ദേശീയ ദിനം പ്രമാണിച്ച് ബഹ്റൈനിൽ ഇന്ന് മുതൽ 27 വരെ വിവിധ കലാപരിപാടികൾ

മനാമ: സൗ​ദി ദേ​ശീ​യ​ ദിനം പ്രമാണിച്ച് ബ​ഹ്റൈ​നി​ൽ വി​വി​ധ ആ​ഘോ​ഷ പ​രി​പാ​ടി​ക​ൾക്ക് തുടക്കം. 27 വരെ വിവിധ കലാപരിപാടികൾ അരങ്ങേറും. ബ​ഹ്‌​റൈ​ൻ ടൂ​റി​സം ആ​ൻ​ഡ് എ​ക്‌​സി​ബി​ഷ​ൻ അ​തോ​റി​റ്റി (ബി.​ടി.​ഇ.​എ)​യു​ടെ ആ​ഭി​മു​ഖ്യ​ത്തി​ലാ​ണ് പ​രി​പാ​ടി​ക​ൾ സംഘടിപ്പിക്കുന്നത്. ഇ​രു​രാ​ജ്യ​ങ്ങ​ളും ത​മ്മി​ലു​ള്ള ച​രി​ത്ര​പ​ര​മാ​യ സാ​ഹോ​ദര്യ ബ​ന്ധ​ത്തി​ന്റെ ആ​ഴം പ്ര​തി​ഫ​ലി​പ്പി​ക്കു​ന്ന പ​രി​പാ​ടി​ക​ളാ​ണ് ന​ട​ത്തു​ന്ന​ത്.

23ന് ​സൗ​ദി പൗ​ര​ന്മാ​രെ​യും ജി.​സി.​സി രാ​ജ്യ​ങ്ങ​ളി​ൽ നി​ന്നു​ള്ള സ​ന്ദ​ർ​ശ​ക​രെ​യും സ്വാ​ഗ​തം ചെ​യ്യു​ന്ന​തി​നാ​യി വി​നോ​ദ ​സ​ഞ്ചാ​രം, വി​നോ​ദം, സാം​സ്കാ​രി​കം എ​ന്നി​വ സം​യോ​ജി​പ്പി​ച്ചു​ള്ള പ​രി​പാ​ടി​ക​ളാ​ണ് അ​വ​ത​രി​പ്പി​ക്കു​ന്ന​ത്.

23ന് ​ഉ​ച്ച മു​ത​ൽ അ​ർ​ധ​രാ​ത്രി വ​രെ മ​നാ​മ​യി​ലെ അ​വ​ന്യൂ​സ് ബ​ഹ്‌​റൈ​നി​ൽ പ്ര​വേ​ശ​നം സൗ​ജ​ന്യ​മാ​യി​രി​ക്കും. ബ​ഹ്‌​റൈ​ൻ സ​മ്രി ബാ​ൻ​ഡി​ന്റെ​യും പ​ര​മ്പ​രാ​ഗ​ത സൗ​ദി ബാ​ൻ​ഡി​ന്റെ​യും സം​ഗീ​ത പ​രി​പാ​ടി ഇ​വി​ടെ ന​ട​ക്കും. വെ​ള്ളി​യാ​ഴ്ച സാ​ഖീ​റി​ലെ എ​ക്‌​സി​ബി​ഷ​ൻ വേ​ൾ​ഡി​ൽ ഈ​ജി​പ്ഷ്യ​ൻ ഗാ​യി​ക​യും ന​ടി​യു​മാ​യ അം​ഗാ​മി​ന്റെ സം​ഗീ​ത​പ​രി​പാ​ടി ന​ട​ക്കും.

വ്യാ​ഴം മു​ത​ൽ സെ​പ്റ്റം​ബ​ർ 27വ​രെ മ​റാ​സി അ​ൽ ബ​ഹ്‌​റൈ​നി​ലെ മ​റാ​സി ഗാ​ലേ​റി​യ​യി​ൽ നി​ര​വ​ധി സൗ​ജ​ന്യ ഫാ​മി​ലി ആ​ക്ടി​വി​റ്റി​ക​ൾ ന​ട​ക്കും. വ്യാ​ഴാ​ഴ്ച മു​ത​ൽ തി​ങ്ക​ൾ വ​രെ വൈ​കു​ന്നേ​രം 4 മു​ത​ൽ രാ​ത്രി 10 വ​രെ പ​രി​പാ​ടി​ക​ളു​ണ്ടാ​കും. സി​റ്റി സെ​ന്റ​ർ ഉ​ൾ​പ്പെ​ടെ നി​ര​വ​ധി സ്ഥ​ല​ങ്ങ​ളി​ൽ സൗ​ദി സം​ഗീ​ത​പ​രി​പാ​ടി​ക​ൾ ന​ട​ക്കും.

ഡ്രാ​ഗ​ൺ സി​റ്റി​യി​ൽ വ്യാ​ഴാ​ഴ്ച മു​ത​ൽ തി​ങ്ക​ൾ വ​രെ, വൈ​കു​ന്നേ​രം 5 മു​ത​ൽ രാ​ത്രി 10 വ​രെ പ​രി​പാ​ടി​യു​ണ്ടാ​കും. വെ​ള്ളി​യാ​ഴ്ച രാ​ത്രി 8.30 മു​ത​ൽ 10.30 വ​രെ വാ​ട്ട​ർ ഗാ​ർ​ഡ​ൻ സി​റ്റി​യി​ലും വെ​ള്ളി​യാ​ഴ്ച രാ​ത്രി 8 മു​ത​ൽ 9.30 വ​രെ മ​നാ​മ സീ​ഫ് മാ​ളി​ലും പ​രി​പാ​ടി​ക​ൾ ന​ട​ക്കും.

നാ​ടോ​ടി സം​ഗീ​ത പ്ര​ക​ട​ന​ങ്ങ​ളും സാം​സ്കാ​രി​ക പ്ര​ദ​ർ​ശ​ന​ങ്ങ​ളും അ​ട​ക്കം എ​ല്ലാ പ്രാ​യ​ക്കാ​ർ​ക്കു​മു​ള്ള വൈ​വി​ധ്യ​മാ​ർ​ന്ന പ​രി​പാ​ടി​ക​ളു​ണ്ടാ​കും. അ​ന്താ​രാ​ഷ്ട്ര വി​മാ​ന​ത്താ​വ​ളം, കി​ങ് ഫ​ഹ​ദ് കോ​സ്‌​വേ, ഹോ​ട്ട​ലു​ക​ൾ, റി​സോ​ർ​ട്ടു​ക​ൾ, വി​വി​ധ ഹോ​സ്പി​റ്റാ​ലി​റ്റി സൗ​ക​ര്യ​ങ്ങ​ൾ എ​ന്നി​വ​യി​ലെ​ല്ലാം വി​നോ​ദ​സ​ഞ്ചാ​രി​ക​ളെ സ്വാ​ഗ​തം ചെ​യ്തു​കൊ​ണ്ടു​ള്ള ആ​ഘോ​ഷ പ​രി​പാ​ടി​ക​ളു​ണ്ടാ​കും.