വയനാട് ഉപതിരഞ്ഞെടുപ്പ്: റോഡ്ഷോയുമായി വയനാടിനെ ഇളക്കിമറിച്ച് പ്രിയങ്ക ഗാന്ധി: വീടുവീടാന്തരം കയറി പ്രചാരണം നടത്തി ബിജെപി സ്ഥാനാര്‍ത്ഥി നവ്യ ഹരിദാസ്: നാമനിര്‍ദ്ദേശ പത്രിക സമര്‍പ്പിച്ച ശേഷം പ്രിയങ്ക അങ്ങ് പോകും, എന്നാല്‍ താന്‍ അഞ്ചുവര്‍ഷവും വയനാട്ടിലെ ജനങ്ങള്‍ക്കൊപ്പം തന്നെ കാണുമെന്ന് നവ്യ

വയനാട്: വയനാട് ലോക്സഭാ മണ്ഡലത്തിലെ ഉപതരെഞ്ഞെടുപ്പില്‍ പ്രചാരണം കൊഴുപ്പിച്ച് മുന്നണികള്‍. നാമനിര്‍ദ്ദേശ പത്രിക സമര്‍പ്പിക്കുന്നതിന് മുന്നോടിയായി കോണ്‍ഗ്രസ് ജനറല്‍ സെക്രട്ടറി പ്രിയങ്ക ഗാന്ധി കല്‍പ്പറ്റയില്‍ വന്‍ റോഡ് ഷോ നടത്തിയപ്പോള്‍ ബുധനാഴ്ച മുക്കത്ത് ബിജെപി സ്ഥാനാര്‍ത്ഥി നവ്യാ ഹരിദാസ് ശക്തമായി വീടുവീടാന്തരം കയറി പ്രചാരണം നടത്തി. 

മൂന്ന് ദിവസം മുമ്പ് റോഡ്ഷോയിലൂടെ പ്രചാരണം ആരംഭിച്ച നവ്യ ഹരിദാസ്, വയനാട്ടിലെ വോട്ടര്‍മാരുമായി ഇടപഴകാനുള്ള തന്റെ പ്രതിബദ്ധതയും ചൂണ്ടിക്കാട്ടി.

പ്രിയങ്കാ ഗാന്ധി ഇന്ന് നാമനിര്‍ദ്ദേശ പത്രിക സമര്‍പ്പിക്കുകയാണ്, ഞങ്ങള്‍ അതിനെ ഒരു താല്‍ക്കാലിക കുതിപ്പ് മാത്രമായാണ് കാണുന്നത്.

നാമനിര്‍ദ്ദേശ പത്രിക സമര്‍പ്പണം കഴിഞ്ഞാല്‍ അവര്‍ തിരികെ പോകും. എന്നാല്‍ അടുത്ത അഞ്ച് വര്‍ഷം വയനാട്ടിലെ ജനങ്ങള്‍ക്കൊപ്പമുണ്ടാകുമെന്ന് ഞാന്‍ വാഗ്ദാനം ചെയ്യുന്നു. തന്റെ പ്രചാരണം സജീവമാണെന്നും പ്രദേശവാസികളില്‍ നിന്ന് വളരെ നല്ല പ്രതികരണമാണ് ലഭിക്കുന്നതെന്നും ബിജെപി സ്ഥാനാര്‍ത്ഥി അവകാശപ്പെട്ടു.

ഒക്ടോബര്‍ 24 വ്യാഴാഴ്ച ഉച്ചയ്ക്ക് 12 മണിക്ക് നവ്യ ഹരിദാസ് പത്രിക സമര്‍പ്പിക്കും. പൊതുജനങ്ങളുടെ സ്വീകരണത്തില്‍ ആത്മവിശ്വാസം പ്രകടിപ്പിച്ച അവര്‍, വോട്ടര്‍മാരില്‍ നിന്നും ഊഷ്മളമായ സ്വീകരണമാണ് തനിക്ക് ലഭിക്കുന്നതെന്നും പറഞ്ഞു.