വയനാട് ദുരന്തത്തിൽ സർക്കാരുകളുടെ വാ​ക്കു​ക​ളും വാ​ഗ്ദാ​ന​ങ്ങ​ളും കൊ​ള്ളാം പ​ക്ഷേ പ്ര​വൃ​ത്തി​യാ​ണ് പ്ര​ധാ​നം. അ​ർ​ഹ​മാ​യ സ​ഹാ​യം സാ​ങ്കേ​തി​ക​ത്വം പ​റ​ഞ്ഞ് നി​ഷേ​ധി​ക്കു​ന്ന​തി​നെ ആ​ര് ന്യാ​യീ​ക​രി​ച്ചാ​ലും ജ​നം അം​ഗീ​ക​രി​ക്കി​ല്ല. വ​യ​നാ​ടി​നു​ള്ള പ്ര​ത്യേ​ക പാ​ക്കേ​ജ് പ്ര​ഖ്യാ​പി​ക്കാ​ൻ കേ​ന്ദ്രം ഇ​നി​യും വൈ​ക​രു​ത്. ജോർജ് ക​​​​​​ള്ളി​​​​​​വ​​​​​​യ​​​​​​ലി​​​​​​ൽ എഴുതുന്നു

കേ​ര​ള​ത്തി​ൽ പ്ര​കൃ​തി​ദു​ര​ന്ത​ങ്ങ​ൾ തു​ട​ർ​ക്ക​ഥ​യാ​ണ്. നൂ​റ്റാ​ണ്ടി​നു ശേ​ഷം കേ​ര​ളം ക​ണ്ട ഏ​റ്റ​വും വ​ലി​യ ദു​ര​ന്ത​മാ​യി​രു​ന്നു 2018ലെ ​മ​ഹാ​പ്ര​ള​യം. 2019ലെ ​പ്ര​ള​യ​വും ദു​രി​തം വി​ത​ച്ചു. 2004ലെ ​സു​നാ​മി​യാ​യി​രു​ന്നു മ​റ്റൊ​രു വ​ലി​യ ദു​ര​ന്തം.

2017ലെ ​ഓ​ഖി ചു​ഴ​ലി​ക്കാ​റ്റ് തീ​ര​ദേ​ശ​ത്തു നാ​ശം വി​ത​ച്ചു. 2020ലെ ​പെ​ട്ടി​മു​ടി ഉ​രു​ൾ​പൊ​ട്ട​ലി​ന്‍റെ ന​ടു​ക്കം മാ​റി​യി​ട്ടി​ല്ല. 2019ലെ ​നി​ല​ന്പൂ​ർ ക​വ​ള​പ്പാ​റ, 2023ലെ ​തീ​ക്കോ​യി, 2001ലെ ​അ​ന്പൂ​രി ഉ​രു​ൾ​പൊ​ട്ട​ലു​ക​ളും നാ​ശം വി​ത​ച്ചു. സ​മീ​പ​കാ​ല പ്ര​കൃ​തി​ദു​ര​ന്ത​ങ്ങ​ളാ​ണി​ത്. നാ​നൂ​റി​ലേ​റെ പേ​രു​ടെ ജീ​വ​നെ​ടു​ക്കു​ക​യും സ​ർ​വ​നാ​ശം വി​ത​യ്ക്കു​ക​യും ചെ​യ്ത മു​ണ്ട​ക്കൈ-​ചൂ​ര​ൽ​മ​ല ഉ​രു​ൾ​പൊ​ട്ട​ലും അ​തി​ജീ​വി​ച്ചേ മ​തി​യാ​കൂ.

1982ലെ ​വൈ​പ്പി​ൻ മ​ദ്യ​ദു​ര​ന്തം, 1988ലെ ​പെ​രു​മ​ൺ ട്രെ​യി​ൻ അ​പ​ക​ടം തു​ട​ങ്ങി 2016ലെ ​പു​റ്റി​ങ്ങ​ൽ വെ​ടി​ക്കെ​ട്ട​പ​ക​ടം, 1999ൽ ​പ​ന്പ മ​ല​മു​ക​ളി​ലും 2011ൽ ​ഇ​ടു​ക്കി ഉ​പ്പു​പാ​റ​യി​ലും മ​ക​ര​ജ്യോ​തി ദ​ർ​ശ​ന​ത്തി​നി​ടെ തി​ക്കി​ലും തി​ര​ക്കി​ലും പെ​ട്ടു​ള്ള അ​പ​ക​ടം, 2009ലെ ​തേ​ക്ക​ടി ബോ​ട്ട​പ​ക​ടം, 2001ൽ ​ക​ട​ലു​ണ്ടി​യി​ൽ ട്രെ​യി​ൻ ന​ദി​യി​ൽ വീ​ണ അ​പ​ക​ട​വും കോ​ട്ട​ക്ക​ലി​ൽ ബ​സി​നു തീ​പി​ടി​ച്ചു​ണ്ടാ​യ ദു​ര​ന്ത​വും വ​രെ​യു​ള്ള നി​ര​വ​ധി മ​നു​ഷ്യ​നി​ർ​മി​ത ദു​ര​ന്ത​ങ്ങ​ൾ വെ​റെ​യു​ണ്ട്.

കേ​ര​ള​ത്തി​ന്‍റെ നീ​ണ്ട തീ​ര​പ്ര​ദേ​ശ​ങ്ങ​ളും മ​ല​യോ​ര​ങ്ങ​ളും പ​രി​സ്ഥി​തി​ലോ​ല പ്ര​ദേ​ശ​ങ്ങ​ളും പ്ര​കൃ​തി​ഭം​ഗി പോ​ലെ ത​ന്നെ പ്ര​കൃ​തി​ക്ഷോ​ഭ​ങ്ങ​ൾ​ക്കും സാ​ധ്യ​ത കൂ​ട്ടു​ന്നു. പ​ഴ​യ മു​ല്ല​പ്പെ​രി​യാ​ർ അ​ണ​ക്കെ​ട്ടി​ന്‍റെ മ​ര​ണ​മ​ണി മു​ന്നി​ലു​ണ്ട്.

►സാ​ങ്കേ​തി​ക​ത്വം മ​റ​യാ​ക്ക​രു​ത്◄

പ്ര​കൃ​തി​ക്ഷോ​ഭ​ങ്ങ​ളും മ​നു​ഷ്യനി​ർ​മി​ത ദു​ര​ന്ത​ങ്ങ​ളും പ​തി​വാ​കുമ്പോ
​ഴും രാ​ഷ്‌​ട്രീ​യ​ക്ക​ളി​ക​ൾ മൂ​ലം കേ​ര​ള ജ​ന​ത അ​നു​ഭ​വി​ക്കു​ന്ന അ​വ​ഗ​ണ​ന​യും നീ​തി​നി​ഷേ​ധ​വും ദു​ര​ന്ത​മാ​ക​രു​ത്. അ​ർ​ഹ​മാ​യ സ​ഹാ​യം സാ​ങ്കേ​തി​ക​ത്വം പ​റ​ഞ്ഞു നി​ഷേ​ധി​ക്കു​ന്ന​തി​നെ ആ​രു ന്യാ​യീ​ക​രി​ച്ചാ​ലും ജ​നം അം​ഗീ​ക​രി​ക്കി​ല്ല. 

വ​യ​നാ​ട്ടി​ലെ ചൊ​വ്വാ​ഴ്ച​ത്തെ ഹ​ർ​ത്താ​ൽ മു​ന്ന​റി​യി​പ്പാ​ണ്. വ​യ​നാ​ടി​ന് പ്ര​ത്യേ​ക പാ​ക്കേ​ജ് അ​ർ​ഹി​ക്കു​ന്നു​ണ്ടെ​ന്ന് മും​ബൈ​യി​ൽ ഇ​ന്ന​ലെ പ​ത്ര​സ​മ്മേ​ള​ന​ത്തി​ൽ പ​റ​ഞ്ഞ മു​ൻ കേ​ന്ദ്ര​മ​ന്ത്രി വി. ​മു​ര​ളീ​ധ​ര​ന്‍റെ മ​റ്റു വാ​ദ​മു​ഖ​ങ്ങ​ളെ​ല്ലാം പ്ര​ത്യേ​ക കേ​ന്ദ്ര​സ​ഹാ​യം വൈ​കി​​ക്കു​ക​യോ ന​ൽ​കാ​തി​രി​ക്കു​ക​യോ ചെ​യ്യു​ന്ന കേ​ന്ദ്ര​നി​ല​പാ​ടി​ന് ഓ​ശാ​ന പാ​ടു​ന്ന​താ​യി.

വ​യ​നാ​ട്ടി​ൽ ഉ​രു​ൾ​പൊ​ട്ട​ലു​ക​ളു​ണ്ടാ​യ മു​ണ്ട​ക്കൈ, ചൂ​ര​ൽ​മ​ല, പു​ഞ്ചി​രി​മ​ട്ടം മേ​ഖ​ല​ക​ളു​ടെ സ​ന്പൂ​ർ​ണ പു​നരു​ദ്ധാ​ര​ണ​ത്തി​നും വി​ക​സ​ന​ത്തി​നും പു​ന​ര​ധി​വാ​സ​ത്തി​നും മ​തി​യാ​യ സ​ഹാ​യം ന​ൽ​കാ​തെ കേ​ന്ദ്ര​സ​ർ​ക്കാ​ർ ഇ​നി​യും ഉ​രു​ണ്ടു​ക​ളി​ക്ക​രു​ത്.

 ഒ​രു നൂ​റ്റാ​ണ്ടി​നി​ടെ കേ​ര​ളം അ​നു​ഭ​വി​ച്ച ഏ​റ്റ​വും വ​ലി​യ വെ​ള്ള​പ്പൊ​ക്ക​മാ​യ 2018ലെ ​പ്ര​ള​യ​ത്തി​നു മ​തി​യാ​യ കേ​ന്ദ്ര​സ​ഹാ​യം കി​ട്ടി​യി​ല്ലെ​ന്ന പ​രാ​തി​യു​ണ്ട്. പ്ര​ഖ്യാ​പി​ച്ച കേ​ന്ദ്ര​ഫ​ണ്ട് കി​ട്ടി​യോ​യെ​ന്നും ഫ​ല​പ്ര​ദ​മാ​യി വി​നി​യോ​ഗി​ച്ചോ​യെ​ന്നും സം​സ്ഥാ​ന സ​ർ​ക്കാ​ർ വ്യ​ക്ത​മാ​ക്ക​ണം.

►വേ​ണ്ട​പ്പെട്ടവ​ർ​ക്കു വാ​രി​ക്കോ​രി◄

കേ​ന്ദ്ര​സ​ർ​ക്കാ​രി​നെ താ​ങ്ങി​നി​ർ​ത്തു​ന്ന ഐ​ക്യ​ ജ​ന​താ​ദ​ളും തെ​ലു​ങ്കു​ദേ​ശം പാ​ർ​ട്ടി​യും ഭ​രി​ക്കു​ന്ന ബി​ഹാ​റി​നും ആ​ന്ധ്ര​പ്ര​ദേ​ശി​നും ക​ഴി​ഞ്ഞ കേ​ന്ദ്ര​ബ​ജ​റ്റി​ൽ വ​ൻ​തു​ക​യു​ടെ കേ​ന്ദ്ര​പ​ദ്ധ​തി​ക​ൾ പ്ര​ഖ്യാ​പി​ച്ച​വ​രാ​ണ്, കേ​ര​ള​ത്തി​ന് സാ​ങ്കേ​തി​ക​ത്വം മ​റ​യാ​ക്കു​ന്ന​ത്.

ആ​ന്ധ്ര​യു​ടെ ത​ല​സ്ഥാ​ന​മാ​യ അ​മ​രാ​വ​തി വി​ക​സി​പ്പി​ക്കു​ന്ന​തി​ന് 15,000 കോ​ടി രൂ​പ​യും ബി​ഹാ​റി​ലെ നാ​ലു റോ​ഡ് പ​ദ്ധ​തി​ക​ൾ​ക്കാ​യി 26,000 കോ​ടി രൂ​പ​യും ന​ൽ​കി​യ​തി​നു പി​ന്നി​ൽ രാ​ഷ്‌​ട്രീ​യ താ​ത്പ​ര്യം വ്യ​ക്തം. ബി​ജെ​പി ഭ​ര​ണ സം​സ്ഥാ​ന​ങ്ങ​ൾ​ക്കും സ​ഖ്യ​ക​ക്ഷി സ​ർ​ക്കാ​രു​ക​ൾ​ക്കും കേ​ന്ദ്രഫ​ണ്ടും പ​ദ്ധ​തി​ക​ളും കൈ​ക​യ​ച്ചു ന​ൽ​കു​ന്ന​തു ര​ഹ​സ്യ​മ​ല്ല.

യോ​ഗി ആ​ദി​ത്യ​നാ​ഥി​ന്‍റെ ഉ​ത്ത​ർ​പ്ര​ദേ​ശ് സ​ർ​ക്കാ​രി​ന് 2023-24 സാ​ന്പ​ത്തി​ക വ​ർ​ഷ​ത്തി​ൽ മാ​ത്രം കേ​ന്ദ്ര​വി​ഹി​ത​മാ​യി ന​ൽ​കി​യ​ത് 1.83 ല​ക്ഷം കോ​ടി രൂ​പ​യാ​ണ്. കേ​ന്ദ്രബ​ജ​റ്റി​ൽ കേ​ര​ള​ത്തി​നു ന​ൽ​കി​യ​ത് 19,662 കോ​ടി രൂ​പ​യും.

 മ​ധ്യ​പ്ര​ദേ​ശി​നും പ​ശ്ചി​മബം​ഗാ​ളി​നും 75,000-80,000 കോ​ടി, സ​ന്പ​ന്ന​മാ​യ മ​ഹാ​രാ​ഷ്‌​ട്ര​യ്ക്കും രാ​ജ​സ്ഥാ​നും 60,000 കോ​ടി, ഒ​ഡീ​ഷ, ഗു​ജ​റാ​ത്ത്, ക​ർ​ണാ​ട​ക, ത​മി​ഴ്നാ​ട്, ആ​ന്ധ്ര, തെ​ലു​ങ്കാ​ന സം​സ്ഥാ​ന​ങ്ങ​ൾ​ക്ക് 35,000- 45,000 കോ​ടി രൂ​പ​യും ക​ഴി​ഞ്ഞ കേ​ന്ദ്ര ബ​ജ​റ്റി​ൽ വ​ക​യി​രു​ത്തി​യി​രു​ന്നു.

2018 മു​ത​ൽ 2021 ഓ​ഗ​സ്റ്റ് വ​രെ യു​പി​യി​ൽ ര​ണ്ടു ല​ക്ഷ​ത്തി​ലേ​റെ (2,01,584) കോ​ടി രൂ​പ കേ​ന്ദ്ര സ​ർ​ക്കാ​ർ ചെ​ല​വ​ഴി​ച്ച​താ​യി യു​പി സ​ർ​ക്കാ​ർ പു​റ​ത്തി​റ​ക്കി​യ പ്ര​സ്താ​വ​ന​യി​ൽ പ​റ​യു​ന്നു.

►പൊ​ളി​ച്ചെ​ഴു​ത​ണം നി​യ​മം◄

2018ലെ ​പ്ര​ള​യ​വും വ​യ​നാ​ട് ഉ​രു​ൾ​പൊ​ട്ട​ലും ദേ​ശീ​യ ദു​ര​ന്ത​മാ​യി പ്ര​ഖ്യാ​പി​ക്ക​ണ​മെ​ന്ന ആ​വ​ശ്യം ജ​ല​രേ​ഖ​യാ​യി. സം​സ്ഥാ​ന സ​ർ​ക്കാ​രും ലോ​ക്സ​ഭ​യി​ൽ പ്ര​തി​പ​ക്ഷ നേ​താ​വ് രാ​ഹു​ൽ ഗാ​ന്ധി അ​ട​ക്ക​മു​ള്ള എം​പി​മാ​രും ഈ​യാ​വ​ശ്യം ഉ​ന്ന​യി​ച്ചെ​ങ്കി​ലും സാ​ങ്കേ​തി​ക​ത്വം പ​റ​ഞ്ഞ് കേ​ന്ദ്രം ത​ടി​ത​പ്പി.

 2005ലെ ​ഡി​സാ​സ്റ്റ​ർ മാ​നേ​ജ്മെ​ന്‍റ് ആ​ക്ട് അ​നു​സ​രി​ച്ച്, പ്ര​കൃ​തി​ക്ഷോ​ഭ​ത്തെ ദേ​ശീ​യ ദു​ര​ന്ത​മാ​യി പ്ര​ഖ്യാ​പി​ക്കാ​ൻ വ്യ​വ​സ്ഥ​യി​ല്ലെ​ന്ന​തു ശ​രി​യാ​ണ്. മു​ൻ യു​പി​എ ഭ​ര​ണ​കാ​ല​ത്ത് ആ​ഭ്യ​ന്ത​ര സ​ഹ​മ​ന്ത്രി മു​ല്ല​പ്പ​ള്ളി രാ​മ​ച​ന്ദ്ര​ൻ ഇ​തേ മ​റു​പ​ടി പാ​ർ​ല​മെ​ന്‍റി​ൽ ന​ൽ​കി​യി​ട്ടു​ണ്ട്.

പ​ക്ഷേ, വ​ൻ​ദു​ര​ന്ത​ങ്ങ​ൾ ദേ​ശീ​യ ദു​ര​ന്ത​മാ​യി പ്ര​ഖ്യാ​പി​ക്ക​രു​തെ​ന്ന് ഒ​രു നി​യ​മ​ത്തി​ലു​മി​ല്ല. സാ​ങ്കേ​തി​ക​ത്വ​മാ​ണു പ്ര​ശ്ന​മെ​ങ്കി​ൽ നി​യ​മം ഭേ​ദ​ഗ​തി ചെ​യ്യ​ണം. അ​മേ​രി​ക്ക​യി​ൽ അ​ട​ക്കം ദേ​ശീ​യ ദു​ര​ന്ത​മാ​യി പ്ര​ഖ്യാ​പി​ക്കു​ന്ന​ത് ഔ​ദ്യോ​ഗി​ക ന​ട​പ​ടി​ക്ര​മ​ങ്ങ​ളു​ടെ ഭാ​ഗ​മാ​ണ്.

ഒ​രു സം​സ്ഥാ​ന​ത്തെ ജ​ന​സം​ഖ്യ​യു​ടെ മൂ​ന്നി​ലൊ​ന്ന് ആ​ളു​ക​ളെ ബാ​ധി​ക്കു​ന്ന ദു​ര​ന്ത​ത്തെ അ​പൂ​ർ​വ തീ​വ്ര​ത​യു​ള്ള ദേ​ശീ​യ ദു​ര​ന്ത​മാ​യി പ്ര​ഖ്യാ​പി​ക്ക​ണ​മെ​ന്നു പ​ത്താം ധ​ന​ക​മ്മീ​ഷ​ൻ (1995-2000) നി​ർ​ദേ​ശി​ച്ചി​രു​ന്നു. എ​ന്നാ​ൽ അ​പൂ​ർ​വ തീ​വ്ര​ത നി​ർ​വ​ചി​ച്ചി​ട്ടി​ല്ല. ഉ​ത്ത​രാ​ഖ​ണ്ഡ് പ്ര​ള​യം, ഒ​ഡീ​ഷ​യി​ലെ ഹു​ദ്ഹു​ദ് ചു​ഴ​ലി​ക്കാ​റ്റ് തു​ട​ങ്ങി​യ​വ ക​ടു​ത്ത പ്ര​കൃ​തിദു​ര​ന്ത​ങ്ങ​ളാ​യി വി​ശേ​ഷി​പ്പി​ച്ചി​രു​ന്നു.

2015 മാ​ർ​ച്ച് 18ന് ​ജ​പ്പാ​നി​ലെ സെ​ൻ​ഡാ​യി​ൽ ന​ട​ന്ന ദു​ര​ന്തസാ​ധ്യ​ത കു​റ​യ്ക്കു​ന്ന​തി​നു​ള്ള മൂ​ന്നാ​മ​ത് യു​എ​ൻ ലോ​കസ​മ്മേ​ള​ന​ത്തി​ൽ അം​ഗീ​ക​രി​ച്ച ച​ട്ട​ക്കൂ​ടി​ൽ ഇ​ന്ത്യ​യും ഒ​പ്പു​വ​ച്ച​താ​ണ്. ദു​ര​ന്ത​സാ​ധ്യ​ത​ക​ൾ കു​റ​യ്ക്കു​ന്ന​തി​നു​ള്ള ദു​ര​ന്ത​നി​വാ​ര​ണ​ത്തി​ൽ നി​ക്ഷേ​പം ന​ട​ത്തു​ന്ന​തും പു​ന​ര​ധി​വാ​സ​വും പു​ന​ർ​നി​ർ​മാ​ണ​വും അ​ട​ക്ക​മു​ള്ള ഇ​തി​ലെ ഏ​ഴു ല​ക്ഷ്യ​ങ്ങ​ൾ ഇ​നി​യും ഇ​ന്ത്യ​യി​ൽ ല​ക്ഷ്യ​ത്തി​ലെ​ത്തി​യി​ട്ടി​ല്ല.

►ആ​വി​യാ​കു​ന്ന വാ​ഗ്ദാ​ന​ങ്ങ​ൾ ◄

വ​യ​നാ​ട് പു​ന​ര​ധി​വാ​സ പ​ദ്ധ​തി​ക്കു പ​ണം ത​ട​സ​മാ​കി​ല്ലെ​ന്നു ദു​ര​ന്ത​ത്തി​നു പി​ന്നാ​ലെ വ​യ​നാ​ട്ടി​ലെ​ത്തി​യ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഉ​റ​പ്പു ന​ൽ​കി​യി​രു​ന്നു. കേ​ന്ദ്ര ആ​ഭ്യ​ന്ത​ര​മ​ന്ത്രി അ​മി​ത് ഷാ​യും സ​ഹ​മ​ന്ത്രി നി​ത്യാ​ന​ന്ദ് റാ​യി​യും അ​ട​ക്ക​മു​ള്ള കേ​ന്ദ്ര​മ​ന്ത്രി​മാ​ർ ലോ​ക്സ​ഭ​യി​ലും രാ​ജ്യ​സ​ഭ​യി​ലും കേ​ര​ള​ത്തി​നു സ​ഹാ​യം വാ​ഗ്ദാ​നം ചെ​യ്തു. വാ​ക്കു​ക​ളും വാ​ഗ്ദാ​ന​ങ്ങ​ളും കൊ​ള്ളാം, പ​ക്ഷേ പ്ര​വൃ​ത്തി​യാ​ണു പ്ര​ധാ​നമാകേണ്ടത്.

2018ൽ ​പ്ര​ധാ​ന​മ​ന്ത്രി 500 കോ​ടി രൂ​പ കേ​ര​ള​ത്തി​ന് അ​ടി​യ​ന്ത​ര സ​ഹാ​യം ആ​ദ്യം പ്ര​ഖ്യാ​പി​ച്ചി​രു​ന്നു. എ​ന്നാ​ൽ വ​യ​നാ​ട്ടി​ലെ​ത്തി​യ​പ്പോ​ൾ ന​യാ​പൈ​സ പ്ര​ഖ്യാ​പി​ച്ചി​ല്ല.

 വ​യ​നാ​ടി​ന് പ്ര​ത്യേ​ക സ​ഹാ​യം ല​ഭ്യ​മാ​ക്കു​ന്ന​തി​ന് പ്ര​ധാ​ന​മ​ന്ത്രി​യു​മാ​യി സം​സാ​രി​ച്ചു വേ​ഗം തീ​രു​മാ​ന​മെ​ടു​ക്കു​മെ​ന്ന് കേ​ന്ദ്ര ധ​ന​മ​ന്ത്രി നി​ർ​മ​ല സീ​താ​രാ​മ​ൻ ക​ഴി​ഞ്ഞ മാ​സം ഡ​ൽ​ഹി​യി​ലെ കേ​ര​ള​ത്തി​ന്‍റെ പ്ര​തി​നി​ധി പ്ര​ഫ. കെ.​വി. തോ​മ​സു​മാ​യു​ള്ള ച​ർ​ച്ച​യി​ൽ വാ​ഗ്ദാ​നം ചെ​യ്തി​രു​ന്നു. വാ​ക്കു​ം പ്ര​വൃ​ത്തി​യും ത​മ്മി​ലു​ള്ള അ​ന്ത​ര​മാ​ണു വ​യ​നാ​ട് ദു​ര​ന്ത​മു​ണ്ടാ​യി മൂ​ന്നു മാ​സം ക​ഴി​യു​ന്പോ​ഴും കേ​ര​ളം ദ​ർ​ശി​ക്കു​ന്ന​ത്.

►ക​ള​യ​ണം, ക​ണ​ക്കി​ലെ ക​ളി ◄

സം​സ്ഥാ​ന ദു​ര​ന്തനി​വാ​ര​ണ നി​ധി​യി​ൽ (എ​സ്ഡി​ആ​ർ​എ​ഫ്) ആ​വ​ശ്യ​മാ​യ പ​ണം ഉ​ണ്ടെ​ന്നാ​ണു ഹൈ​ക്കോ​ട​തി​യി​ൽ കേ​ന്ദ്രം ഇ​ന്ന​ലെ​യും അ​റി​യി​ച്ച​ത്. ക​ഴി​ഞ്ഞ മാ​സം ഹൈ​ക്കോ​ട​തി​യി​ൽ പ​റ​ഞ്ഞ​തി​ന്‍റെ ത​നി​യാ​വ​ർ​ത്ത​നം.

 എ​സ്ഡി​ആ​ർ​എ​ഫി​ൽ 394.99 കോ​ടി രൂ​പ ബാ​ക്കി​യു​ണ്ടെ​ന്ന് അ​ക്കൗ​ണ്ട് ജ​ന​റ​ൽ അ​റി​യി​ച്ചി​ട്ടു​ണ്ടെ​ന്ന് കെ.​വി. തോ​മ​സി​നു ന​ൽ​കി​യ മ​റു​പ​ടി​യി​ൽ കേ​ന്ദ്ര​മ​ന്ത്രി നി​ത്യാ​ന​ന്ദ് റാ​യ് പ​റ​ഞ്ഞു. ദു​രി​താ​ശ്വാ​സ പ്ര​വ​ർ​ത്ത​ന​ങ്ങ​ൾ​ക്കു മ​തി​യാ​യ ഫ​ണ്ട് കേ​ര​ള​ത്തി​ന്‍റെ പ​ക്ക​ലു​ണ്ടെ​ന്നാ​ണു വാ​ദം.

ക​ഴി​ഞ്ഞ ഏ​പ്രി​ൽ ഒ​ന്നി​ലെ ക​ണ​ക്കാ​ണു കേ​ന്ദ്രം പ​റ​യു​ന്ന​ത്. പി​ന്നീ​ടു​ള്ള ഏ​ഴു മാ​സ​ത്തെ ചെ​ല​വു​ക​ൾ ക​ണ്ടി​ല്ലെ​ന്നു ന​ടി​ക്കു​ക​യാ​കും. സം​സ്ഥാ​ന​ത്താ​കെ​യു​ണ്ടാ​കു​ന്ന എ​ല്ലാ ദു​ര​ന്ത​ങ്ങ​ൾ​ക്കും ആ​ശ്വാ​സം ന​ൽ​കാ​നു​ള്ള​താ​ണു ദു​ര​ന്തനി​വാ​ര​ണ നി​ധി.

കേ​ര​ള​ത്തി​ന്‍റെ ദു​ര​ന്ത​നി​വാ​ര​ണ നി​ധി​യി​ലേ​ക്ക് 388 കോ​ടി രൂ​പ​യാ​ണു ന​ട​പ്പു സാ​ന്പ​ത്തി​ക വ​ർ​ഷം അ​ഡ്വാ​ൻ​സാ​യി ന​ൽ​കി​യ​ത്. ഇ​തി​ൽ 291.20 കോ​ടി കേ​ന്ദ്ര​വി​ഹി​ത​വും 96.80 കോ​ടി സം​സ്ഥാ​ന വി​ഹി​ത​വു​മാ​ണ്. ദു​ര​ന്തനി​വാ​ര​ണ നി​ധി​യി​ലെ തു​ക ദു​രി​താ​ശ്വാ​സ​ത്തി​നാ​ണ്, ദു​ര​ന്ത സ​ഹാ​യ​മ​ല്ല.

►വേ​ണ്ട​ത് അ​ധി​ക സ​ഹാ​യം◄

ദു​ര​ന്തനി​വാ​ര​ണ നി​ധി​യി​ലെ തു​ക കേ​ര​ള​ത്തി​ന് അ​ർ​ഹ​ത​പ്പെ​ട്ട​താ​ണ്. വ​യ​നാ​ട് ദു​ര​ന്തം ഉ​ണ്ടാ​യാ​ലും ഇ​ല്ലെ​ങ്കി​ലും കി​ട്ടു​ന്ന തു​ക. രാ​ജ്യ​ത്തെ​യാ​കെ ന​ടു​ക്കി​യ, പ്ര​ധാ​ന​മ​ന്ത്രി നേ​രി​ട്ടെ​ത്തി​യ വ​യ​നാ​ട്ടി​ലെ പു​ന​ര​ധി​വാ​സ​ത്തി​നു​ള്ള പ്ര​ത്യേ​ക പാ​ക്കേ​ജ് ആ​ണു വേ​ണ്ട​ത്.

വ​ലി​യ നാ​ശ​ന​ഷ്ട​ങ്ങ​ളു​ണ്ടാ​യാ​ൽ ദേ​ശീ​യ ദു​ര​ന്തനി​വാ​ര​ണ നി​ധി​യി​ൽ (നാ​ഷ​ണ​ൽ ഡി​സാ​സ്റ്റ​ർ റ​സ്പോ​ണ്‍സ് ഫ​ണ്ട് -എ​ൻ​ഡി​ആ​ർ​എ​ഫ്) നി​ന്ന് അ​ധി​ക സാ​ന്പ​ത്തി​ക സ​ഹാ​യം അ​നു​വ​ദി​ക്കാ​മെ​ന്നു കേ​ന്ദ്ര ആ​ഭ്യ​ന്ത​ര സ​ഹ​മ​ന്ത്രി​യു​ടെ ക​ത്തി​ൽ വ്യ​ക്ത​മാ​ക്കി​യി​ട്ടു​മു​ണ്ട്.

കേ​ന്ദ്ര​വും സം​സ്ഥാ​ന​വും 3:1 അ​നു​പാ​ത​ത്തി​ൽ രൂ​പീ​ക​രി​ച്ച​താ​ണു ദു​ര​ന്ത നി​വാ​ര​ണ ഫ​ണ്ട് (സി​ആ​ർ​എ​ഫ്). ഇ​ത് അ​പ​ര്യാ​പ്ത​മാ​ണെ​ങ്കി​ൽ, കേ​ന്ദ്രം 100 ശ​ത​മാ​നം ധ​ന​സ​ഹാ​യം ന​ൽ​കു​ന്ന ദേ​ശീ​യ ദു​ര​ന്ത ക​ണ്ടി​ജ​ൻ​സി ഫ​ണ്ടി​ൽ (എ​ൻ​സി​സി​എ​ഫ്) നി​ന്ന് അ​ധി​കസ​ഹാ​യം ന​ൽ​കാം. ഗു​രു​ത​ര ദു​ര​ന്ത​ങ്ങ​ളി​ലെ ഇ​ര​ക​ൾ​ക്കു വാ​യ്പ​ക​ളു​ടെ തി​രി​ച്ച​ട​വി​ൽ ഇ​ള​വു ന​ൽ​കാ​നും പു​തി​യ വാ​യ്പ​ക​ൾ അ​നു​വ​ദി​ക്കാ​നു​മു​ള്ള ആ​ശ്വാ​സ​വും പ​രി​ഗ​ണി​ക്കാം.

►വൈ​ക​രു​ത്, വ​യ​നാ​ട് പാ​ക്കേ​ജ്◄

ക​ഴി​ഞ്ഞ ഓ​ഗ​സ്റ്റി​ൽ വ​യ​നാ​ട് സ​ന്ദ​ർ​ശി​ച്ച കേ​ന്ദ്രസം​ഘം ദു​ര​ന്ത​ത്തി​ന്‍റെ ന​ഷ്ട​വും വ്യാ​പ്തി​യും വി​ല​യി​രു​ത്തി റി​പ്പോ​ർ​ട്ട് സ​മ​ർ​പ്പി​ച്ച​താ​യി കേ​ന്ദ്രം പ​റ​യു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ നി​ല​വി​ലു​ള്ള ന​ട​പ​ടി​ക്ര​മ​ങ്ങ​ള​നു​സ​രി​ച്ച് കേ​ന്ദ്ര​സ​ർ​ക്കാ​ർ ന​ട​പ​ടി​യെ​ടു​ത്തു​വെ​ന്നും മ​ന്ത്രി റാ​യ് പ​റ​യു​ന്നു.

 ഈ ​ന​ട​പ​ടി എ​ന്താ​ണെ​ന്നു മ​ന്ത്രി വ്യ​ക്ത​മാ​ക്കു​ന്നി​ല്ല. അ​തെ​ന്താ​ണെ​ന്ന് ഉ​ട​ൻ വി​ശ​ദീ​ക​രി​ക്ക​ണം. കേ​ര​ളം ചോ​ദി​ച്ച 1,500 കോ​ടി​യു​ടെ പാ​ക്കേ​ജ് നി​ഷേ​ധി​ക്കു​ന്നെ​ങ്കി​ൽ കാ​ര​ണം നി​ര​ത്ത​ട്ടെ. കേ​ര​ള​ത്തോ​ട് അ​വ​ഗ​ണ​ന​യും വി​വേ​ച​ന​വും നീ​തി​നി​ഷേ​ധ​വും അ​നു​വ​ദി​ക്കാ​നാ​കി​ല്ല.

ആ​വ​ശ്യ​മാ​യ നി​വേ​ദ​ന​വും വി​ശ​ദ വി​വ​ര​ങ്ങ​ളും ന​ൽ​കു​ന്ന​തി​ൽ കേ​ര​ള സ​ർ​ക്കാ​രി​ന്‍റെ ഭാ​ഗ​ത്തു നി​ന്നു വീ​ഴ്ച​യു​ണ്ടാ​യ​താ​യി കേ​ന്ദ്ര​മ​ന്ത്രി ആ​രോ​പി​ച്ചി​ട്ടി​ല്ല. രാ​ഷ്‌​ട്രീ​യം മാ​ത്രം പ​റ​യാ​തെ കേ​ര​ള സ​ർ​ക്കാ​ർ ചെ​യ്യേ​ണ്ട​തു സ​മ​യ​ത്തു വേ​ണ്ട​തു​പോ​ലെ ചെ​യ്യേ​ണ്ട​തു​ണ്ട്.

വീ​ഴ്ച​യു​ണ്ടെ​ങ്കി​ൽ പു​റ​ത്തു​വ​ര​ട്ടെ. തൊ​ടു​ന്യാ​യ​ങ്ങ​ളും സാ​ങ്കേ​തി​ക​ത്വ​വു​മ​ല്ല, ക​രു​ണ​യും നീ​തി​യു​മാ​ണു വേ​ണ്ട​ത്. വ​യ​നാ​ടി​നു​ള്ള പ്ര​ത്യേ​ക പാ​ക്കേ​ജ് പ്ര​ഖ്യാ​പി​ക്കാ​ൻ കേ​ന്ദ്രം ഇ​നി​യും വൈ​ക​രു​ത്.