തിരുവനന്തപുരം: ഓണനാളുകളില്‍ മില്‍മ തിരുവനന്തപുരം മേഖല യൂണിയന് (ടിആര്‍സിഎംപിയു) പാല്‍, തൈര്, നെയ്യ് തുടങ്ങിയ ഡയറി ഉല്‍പന്നങ്ങളുടെ വില്‍പ്പനയില്‍ മികച്ച നേട്ടം. 38,34,530 ലിറ്റര്‍ പാലും, 3,36,950 കിലോഗ്രാം തൈരുമാണ് സെപ്റ്റംബര്‍ 10 മുതല്‍ 14 വരെയുള്ള ഓണദിവസങ്ങളില്‍ (അനിഴം മുതല്‍ ഉത്രാടം വരെ) വിറ്റത്. ഈ ഓണക്കാലത്ത് ഉല്‍പന്നങ്ങളുടെ ആകെ വിറ്റുവരവ് 32 കോടി രൂപയാണ്.
ഉത്രാട ദിവസം മാത്രം 13.62 ലക്ഷം ലിറ്റര്‍ പാലും, 145 മെട്രിക് ടണ്‍ തൈരുമാണ് വിറ്റത്. ഇത് റെക്കോര്‍ഡ് നേട്ടമാണ്. ഓണക്കാലത്ത് 294 മെട്രിക് ടണ്‍ നെയ്യ് ആണ് വിറ്റത്.
ടിആര്‍സിഎംപിയുവിനു കീഴിലെ ആലപ്പുഴ, പത്തനംതിട്ട, കൊല്ലം, തിരുവനന്തപുരം ജില്ലകളിലെ ഓണനാളുകളിലെ വില്‍പ്പനയുടെ കണക്കാണിത്.
ഓണത്തിന് പാലിനും അനുബന്ധ ഉല്‍പന്നങ്ങള്‍ക്കുമുള്ള അധിക വില്‍പന പരിഗണിച്ച് തിരുവനന്തപുരം മേഖല യൂണിയന് വിപുലമായ ക്രമീകരണങ്ങള്‍ ഒരുക്കിയിരുന്നു. ഓണവിപണി ലക്ഷ്യമാക്കി ഏജന്‍സികള്‍ക്കും വിതരണക്കാര്‍ക്കുമായി വില്‍പന പ്രോത്സാഹന പദ്ധതികളും നടപ്പിലാക്കി.
കൂട്ടായ പ്രവര്‍ത്തനത്തിലൂടെ വില്‍പനയില്‍ റെക്കോര്‍ഡ് നേട്ടം സാധ്യമാക്കിയ മില്‍മ ജീവനക്കാര്‍, ക്ഷീരകര്‍ഷകര്‍, ഏജന്‍സികള്‍, ട്രേഡ് യൂണിയനുകള്‍, വിതരണ വാഹന ജീവനക്കാര്‍, മില്‍മയോടൊപ്പം നിലകൊള്ളുന്ന ഉപഭോക്താക്കള്‍ എന്നിവരോടുള്ള നന്ദി ടിആര്‍സിഎംപിയു ചെയര്‍മാന്‍ മണി വിശ്വനാഥ്, മാനേജിങ് ഡയറക്ടര്‍ ഡോ. മുരളി പി എന്നിവര്‍ അറിയിച്ചു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/xMJWSVsDRXYx8BqiIdTX.jpg)