സംസ്ഥാന സ്പെഷ്യല്‍ സ്‌കൂള്‍ പ്രവൃത്തിപരിചയ മേള: കാഴ്ചചപരിമിതര്‍ക്കായുള്ള ഒളശ്ശ സ്‌കൂളിന് മികച്ച നേട്ടം

കോട്ടയം: ആലപ്പുഴയില്‍ നടന്ന സംസ്ഥാന സ്‌കൂള്‍ ശാസ്ത്രമേളയില്‍ സ്പെഷ്യല്‍ സ്‌കൂള്‍ വിഭാഗം പ്രവൃത്തിപരിചയമേളയില്‍ പങ്കെടുത്ത ഒന്‍പതിനങ്ങളിലും എ ഗ്രേഡ് നേടി കാഴ്ചപരിമിതര്‍ക്കായുള്ള ഒളശ്ശ സര്‍ക്കാര്‍ ഹൈസ്‌കൂള്‍.

രണ്ടാം ക്ലാസ് വിദ്യാര്‍ഥിനിയായ ദേവതീര്‍ത്ഥ രതീഷ് പുല്‍പ്പായ നിര്‍മ്മാണത്തില്‍ 'എ' ഗ്രേഡോടെ ഒന്നാം സ്ഥാനമാണ് കരസ്ഥമാക്കിയത്. സംസ്ഥാന സ്പെഷ്യല്‍ സ്‌കൂള്‍ കലോത്സവത്തില്‍ നാടോടിനൃത്തത്തിനും 'എ' ഗ്രേഡോടെ രണ്ടാം സ്ഥാനം കരസ്ഥമാക്കിയിരുന്നു ദേവതീര്‍ഥ രതീഷ്.

കേശവ് രഞ്ജിത്ത് ബാംബൂ പ്രോഡക്റ്റ്' നിര്‍മ്മാണത്തില്‍ 'എ' ഗ്രേഡോടെ രണ്ടാം സ്ഥാനവും എ. അനൂപ് പ്ലാസ്റ്റിക് കെയിന്‍ വര്‍ക്കില്‍(വീവിംഗ്) 'എ' ഗ്രേഡോടെ മൂന്നാം സ്ഥാനവും നേടി.

 വി. നവനീത് (കയര്‍ ഡോര്‍ മാറ്റ്), എം. വി. വിസ്മയ (ബീഡ്‌സ് വര്‍ക്ക്), അലന്‍ അജീഷ് (കാര്‍ഡ് ആന്‍ഡ് സ്ട്രോബോര്‍ഡ് വര്‍ക്ക്) എ. അഭിനന്ദ (പേപ്പര്‍ ക്രാഫ്റ്റ്. അന്‍ഷ്വല്‍ ആന്‍ ജോണ്‍(കുട നിര്‍മാണം) എന്നിവരാണ്' 'എ' ഗ്രേഡ്' നേടിയ മറ്റുള്ളവര്‍. മികച്ച വിജയം കരസ്ഥമാക്കി സ്‌കൂളിന്റെ അഭിമാനമായി മാറിയ എല്ലാ കുട്ടികളെയും പ്രഥമാധ്യാപകന്‍ ഇ.ജെ. കുര്യന്‍ സ്‌കൂള്‍ അസംബ്ലിയില്‍ അനുമോദിച്ചു.