ഇല്ലാത്ത കഥ മെനഞ്ഞ് പി പി ദിവ്യ ഇല്ലാതാക്കിയത് ഒരു ജീവൻ ! കേട്ടുകേൾവി വെച്ച് ദിവ്യ പറഞ്ഞു പരത്തിയതെല്ലാം നവീൻ ബാബുവിനെ ആത്മഹത്യയിലേക്ക് നയിച്ചു; ഉന്നയിച്ച ആരോപണങ്ങൾ സദുദ്ദേശത്തോടെയെന്ന് പറഞ്ഞ് ദിവ്യക്ക് നാട്ടുകാരെ പറ്റിക്കാം, പക്ഷെ മനസാക്ഷിക്ക് മുന്നിൽ മാപ്പില്ല !

കണ്ണൂർ: എഡിഎം നവീൻ ബാബുവിന് ക്ലീൻചിറ്റ് നൽകികൊണ്ട് ലാ​ൻ​ഡ് റ​വ​ന്യൂ ജോ​യി​ന്‍റ് ക​മ്മീ​ഷ​ണ​ർ സ​ർ​ക്കാ​രി​ന് റി​പ്പോ​ർ​ട്ട് കൈ​മാ​റിയതോടെ കണ്ണൂർ ജില്ലാ പഞ്ചായത്ത്‌ പ്രസിഡന്റ് പി പി ദിവ്യ ഉന്നയിച്ച ആരോപണങ്ങൾ പച്ചകള്ളമാണെന്ന് തെളിഞ്ഞു.

എഡിഎമ്മിനെതിരെ ഉന്നയിച്ച ആരോപണങ്ങൾ സദുദ്ദേശത്തോടെയെന്ന് പറഞ്ഞ് ദിവ്യക്ക് നാട്ടുകാരെ പറ്റിക്കാമെങ്കിലും സ്വന്തം മനസാക്ഷിക്ക് മുന്നിൽ മാപ്പ് ഇല്ല. ദിവ്യ പടച്ചു വിട്ട ഓരോ വാക്കും നവീന്റെമരണത്തിന് കാരണമായി എന്ന് വ്യക്തമായി.

ലാ​ൻ​ഡ് റ​വ​ന്യൂ ജോ​യി​ന്‍റ് ക​മ്മീ​ഷ​ണ​റുടെ അന്വേഷണത്തിൽ ന​വീ​ൻ ബാ​ബു​ ഫ​യ​ലു​ക​ൾ മ​ന​പൂ​ർ​വം വൈ​കി​പ്പി​ച്ചതായും കൈ​ക്കൂ​ലി വാ​ങ്ങി​യ​തായും കണ്ടെത്താനായില്ല. അപ്പോൾ പിന്നെ ദിവ്യയുടെ ആരോപണം മനപ്പൂർവം ഒരാളെ തകർക്കാൻ വേണ്ടി തന്നെയായിരുന്നു എന്നുവേണം മനസിലാക്കാൻ.

പ​മ്പി​നു എ​ൻ​ഒ​സി ന​ൽ​കി​യ​തി​ൽ എ​ഡി​എം പ്ര​വ​ർ​ത്തി​ച്ച​ത് നി​യ​മ​പ​ര​മാ​യി മാ​ത്ര​മാ​ണ്. എ​ൻ​ഒ​സി വൈ​കി​പ്പി​ച്ചി​ല്ല എ​ന്ന് മാ​ത്ര​മ​ല്ല അ​പേ​ക്ഷ​ക​നെ സ​ഹാ​യി​ക്കാ​നും ശ്ര​മി​ച്ചു. പ​മ്പി​നു​ള്ള പേ​ലീ​സ് റി​പ്പോ​ർ​ട്ട് എ​തി​രാ​യി​ട്ടും എ​ഡി​എം ടൗ​ൺ പ്ലാ​നിം​ഗ് വി​ഭാ​ഗ​ത്തി​ന്‍റെ റി​പ്പോ​ർ​ട്ട് തേ​ടി.

ജി​ല്ലാ പ​ഞ്ചാ​യ​ത്ത് പ്ര​സി​ഡ​ന്‍റാ​യി​രു​ന്ന പി.​പി.​ദി​വ്യ അ​ന്വേ​ഷ​ണ​വു​മാ​യി സ​ഹ​ക​രി​ച്ചി​ല്ലെ​ന്നും യാ​ത്ര​യ​യ​പ്പി​ലെ അ​ധി​ക്ഷേ​പ ദൃ​ശ്യം വ്യാ​പ​ക​മാ​യി പ്ര​ച​രി​പ്പി​ച്ചു​വെ​ന്നും റി​പ്പോ​ർ​ട്ടി​ൽ പ​റ​യു​ന്നു. അ​തേ​സ​മ​യം ദി​വ്യ​യെ യോ​ഗ​ത്തി​ലേ​ക്ക് ക്ഷ​ണി​ച്ചി​ല്ലെ​ന്ന ക​ള​ക്ട​റു​ടെ മൊ​ഴി​യും റി​പ്പോ​ർ​ട്ടി​ലു​ണ്ടെ​ന്നാ​ണ് സൂ​ച​ന.