കേരളം വിധിയെഴുതി; ഔദ്യോഗിക സമയം അവസാനിച്ചു; ക്യൂവിലുള്ളവര്‍ക്ക് വോട്ട് ചെയ്യാം; വരിയിലുള്ളവര്‍ക്ക് ടോക്കണ്‍ നല്‍കി; പലയിടത്തും നീണ്ട നിര ! സംസ്ഥാനത്ത് ഭേദപ്പെട്ട പോളിംഗ്

തിരുവനന്തപുരം: ലോക്‌സഭ തിരഞ്ഞെടുപ്പില്‍ കേരളം വിധിയെഴുതി. വോട്ടെടുപ്പിനുള്ള ഔദ്യോഗിക സമയം അവസാനിച്ചു. എങ്കിലും ക്യൂവിലുള്ളവര്‍ക്ക് വോട്ട് ചെയ്യാം. വരിയിലുള്ളവര്‍ക്ക് ടോക്കണ്‍ നല്‍കി. ചിലയിടങ്ങളില്‍ ഇപ്പോഴും നീണ്ട നിര അനുഭവപ്പെടുന്നുവെന്നാണ് റിപ്പോര്‍ട്ട്. സംസ്ഥാനത്ത് ഭേദപ്പെട്ട പോളിംഗാണ് റിപ്പോര്‍ട്ട് ചെയ്തത്.

ഏറ്റവുമൊടുവിലെ ഔദ്യോഗിക കണക്ക് അനുസരിച്ച് 6 മണിക്ക് സംസ്ഥാനത്ത് പോളിംഗ് 67.27 ശതമാനമാണ്.  ഔദ്യോഗിക കണക്ക് ലഭ്യമാകുന്നതേയുള്ളൂ. ഇതില്‍ ചില ഏറ്റക്കുറച്ചിലുകള്‍ സംഭവിക്കാം. വടകര, കൊടുവള്ളി എന്നിവിടങ്ങളില്‍ വോട്ടിംഗ് ശതമാനം മന്ദഗതിയിലാണെന്ന് ആക്ഷേപമുണ്ട്.