പ്രിവ്യൂ ഷോയിലൂടെ പ്രേക്ഷകരുടെ ഹൃദയത്തിലിടം പിടിച്ച് ലൈഫ് ഓഫ് മാന്‍ഗ്രോവ്

പ്രിവ്യൂ ഷോ കഴിഞ്ഞപ്പോള്‍ പ്രേക്ഷകരുടെ മനസ്സിനെ ആവാഹിച്ചെടുത്ത ചിത്രമാണ് ലൈഫ് ഓഫ് മാന്‍ഗ്രോവ്. ചിത്രത്തിന്റെ രചനയും സംവിധാനവും എന്‍ എന്‍ ബൈജു നിര്‍വഹിച്ചിരിക്കുന്നു.

എസ് ആന്‍ഡ് എച്ച് ഫിലിംസിന്റെ ബാനറില്‍ ശോഭനായര്‍, പി വി ഹംസകൂറ്റനാട്, ഉമ്മര്‍ പട്ടാമ്പി, സതീഷ്  പൈങ്കുളം എന്നിവര്‍ ചേര്‍ന്ന് ചിത്രമാണിത്.

ഡി യോ പി നിതിന്‍ തളിക്കുളം. എഡിറ്റര്‍ ജി മുരളി. ഡി ബി അജിത് കുമാറിന്റെ വരികള്‍ക്ക് ജോസി ആലപ്പുഴ സംഗീതം പകര്‍ന്നിരിക്കുന്നു. പ്രൊഡക്ഷന്‍ കണ്‍ട്രോളര്‍ ശ്യാം പ്രസാദ്. ചീഫ് അസോസിയറ്റ് ഡയറക്ടര്‍ രതീഷ് ഷൊര്‍ണൂര്‍. അസോസിയേറ്റ് ഡയറക്ടര്‍ സോനാ ജയപ്രകാശ്. മേക്കപ്പ് ബിനോയ് കൊല്ലം.

അഭിനേതാക്കള്‍ സുധീര്‍ കരമന, ദിനേശ് പണിക്കര്‍, നിയാസ് ബക്കര്‍, കോബ്ര രാജേഷ്, ഐഷ ബീന, ഗാത്രി വിജയ്, ഷിബിന്‍ ഫാത്തിമ, സതീഷ് പൈങ്കുളം, നസീര്‍മുഹമ്മദ്.

മാതാപിതാക്കള്‍ നഷ്ടപ്പെട്ട അഞ്ചു എന്ന ഏഴാം ക്ലാസ് വിദ്യാര്‍ത്ഥിനിയുടെ ഹൃദയസ്പര്‍ശിയായ ജീവിത കഥ പുസ്തകം ആകുന്നു. ലൈഫ് ഓഫ് മാന്‍ ഗ്രോവ് എന്ന ടൈറ്റില്‍ അതാണ് സൂചിപ്പിക്കുന്നത്. കണ്ടല്‍ക്കാടുകളുടെ സംരക്ഷണവും കാന്‍സര്‍ കാര്‍ന്നു തിന്നുന്ന ഒരു ഗ്രാമപ്രദേശവും ഒപ്പം തന്നെ ക്യാന്‍സര്‍ രോഗിയായ കുട്ടിയുടെ അതിജീവനവും ഇതൊക്കെ ചിത്രത്തിലൂടെ വരച്ചുകാട്ടപ്പെടുന്നു.

പ്ലാസ്റ്റിക് മാലിന്യങ്ങളുടെ കൂമ്പാരം സമൂഹത്തില്‍ എത്രമാത്രം വിപത്ത് ഉണ്ടാക്കുന്നു എന്നും ദൃശ്യവല്‍ക്കരിച്ചിട്ടുണ്ട്. അതിമനോഹരമായ ഗാനങ്ങളുള്ള ചിത്രമാണിത്. നിരവധി മേളകളില്‍ മത്സരിക്കുന്ന ചിത്രം ഉടന്‍ തന്നെ തിയേറ്ററുകള്‍ എത്തുന്നതാണ്. പി ആര്‍ ഒ എം കെ ഷെജിന്‍.