കാസർകോട് എംഡിഎംഎയുമായി രണ്ട് പേർ അറസ്റ്റിൽ, 25 ഗ്രാമോളം എംഡിഎംഎ പ്രതികളിൽ നിന്നും പിടിച്ചെടുത്തു

കാസർകോട്: നിരോധിത മയക്കുമരുന്നായ എംഡിഎംഎയുമായി രണ്ട് പേർ അറസ്റ്റിൽ. മധൂർ ഹിദായത്ത് നഗർ ജെപി നഗറിലെ എം നൗഷാദ് , അബ്ദുൾ റഹ്മാൻ എന്നിവരാണ് അറസ്റ്റിലായത്.

പാറക്കട്ട എ ആർ ക്യാമ്പിന് സമീപം ചെട്ടും കുഴി മീപ്പുഗുരി റോഡ് പരിസരത്തുനിന്നുമാണ് ഇവരെ അറസ്റ്റ് ചെയ്തത്. കാസർകോട് ടൗൺ പൊലീസ് നടത്തിയ പരിശോധനയിലാണ് യുവാക്കൾ പിടിയിലായത്.

ഇവരിൽ നിന്നും 25 ഗ്രാമോളം എംഡിഎംഎ പിടിച്ചെടുത്തു. പ്രതികളുടെ അറസ്റ്റ് രക്ഷപ്പെടുത്തി. സംഭവത്തിൽ കൂടുതൽ പേർക്ക് ബന്ധമുണ്ടോയെന്ന് അന്വേഷണം നടത്തി വരികയാണെന്ന് പൊലീസ് അറിയിച്ചു.