നീലേശ്വരം വെടിക്കെട്ട് അപകടം, മരണം അഞ്ചായി, പരിക്കേറ്റ് ചികിത്സയിലായിരുന്ന ഒരാൾ കൂടി മരിച്ചു

നീലേശ്വരം അഞ്ഞൂറ്റമ്പലം വീരർ കാവിലെ വെടിക്കെട്ട് അപകടത്തിൽ പരിക്കേറ്റ് ചികിത്സയിലായിരുന്ന ഒരാൾ കൂടി മരിച്ചു. മംഗളൂരു എജെ ആശുപത്രിയിൽ ചികിത്സയിലായിരുന്ന കിണാവൂരിലെ രജിത്ത് (28) ആണ് മരിച്ചത്. ഇതോടെ വെടിക്കെട്ട് അപകടത്തിൽ മരിച്ചവരുടെ എണ്ണം അഞ്ചായി.

ഗോപികയാണ് രജിത്തിന്റെ ഭാര്യ, ഒരു വയസുള്ള കുഞ്ഞുണ്ട്. രജിത്ത് കാസർകോട് കെ എസ് ഇ ബി ഡ്രൈവറായിരുന്നു. രജിത്തിന്റെ സുഹൃത്തുക്കളായ ബിജു, രതീഷ്, സന്ദീപ് എന്നിവർ അപകത്തെ തുടർന്ന് ചികിത്സക്കിടെ മരിച്ചിരുന്നു. ഇവർ ഒരുമിച്ചാണ് തെയ്യം കെട്ടിന് പോയത്.