കുടുംബ ബന്ധങ്ങളിൽ ഒരമ്മ എങ്ങനെയാണ് പെരുമാറേണ്ടതെന്ന് സിനിമ അഭിനയത്തിലൂടെ നമുക്ക് കാണിച്ചു തന്ന അതുല്യ പ്രതിഭയാണ് കവിയൂർ പൊന്നമ്മ; വളരെ ലളിതമായ ജീവിത രീതിയും സംഭാഷണ ചാതുരിയും കൊണ്ട് മലയാളികളുടെ മനസിൽ ഒരിക്കലും മായിക്കാൻ കഴിയാത്ത നക്ഷത്രം പോലെ തിളങ്ങി നിൽക്കുകയാണ് കവിയൂർ പൊന്നമ്മയെന്ന് ചിറ്റയം ഗോപകുമാർ

പത്തനംതിട്ട: മലയാള സിനിമയിലെ അമ്മ വേഷങ്ങളിലൂടെ മലയാളികളുടെ എല്ലാം അമ്മയായി മാറിയ അതുല്യ അഭിനയേത്രിയെയാണ് കവിയൂർ പൊന്നമ്മയുടെ നിര്യാണത്തിലൂടെ നമുക്ക് നഷ്ട്ടമായിരിക്കുന്നതെന്ന് ഡെപ്യൂട്ടി സ്‌പീക്കർ ചിറ്റയം ഗോപകുമാർ. 

മലയാള സിനിമയിൽ പകരം വയ്ക്കാൻ പറ്റാത്ത ഒരു അഭിനേതാവ് കൂടിയാണ് കവിയൂർ പൊന്നമ്മ. ഏത് വേഷവും അനായാസം അഭിനയിക്കാൻ കഴിയുന്ന കവിയൂർ പൊന്നമ്മ ഒരു പക്ഷേ ഏറ്റവും കൂടുതൽ വേഷം ചെയ്‌തത് അമ്മയായിട്ടാണ്.

കുടുംബ ബന്ധങ്ങളിൽ ഒരമ്മ എങ്ങനെയാണ് പെരുമാറേണ്ടതെന്ന് സിനിമ അഭിനയത്തിലൂടെ നമുക്ക് കാണിച്ചു തന്ന അതുല്യ പ്രതിഭയാണ് കവിയൂർ പൊന്നമ്മ.

വളരെ ലളിതമായ ജീവിത രീതിയും സംഭാഷണ ചാതുരിയും കൊണ്ട് മലയാളികളുടെ മനസിൽ ഒരിക്കലും മായിക്കാൻ കഴിയാത്ത നക്ഷത്രം പോലെ തിളങ്ങി നിൽക്കുകയാണ് കവിയൂർ പൊന്നമ്മയെന്നും ഡെപ്യൂട്ടി സ്‌പീക്കർ അനുസ്‌മരിച്ചു.