എഡിഎം നവീന്‍ ബാബുവിന്റെ മരണവുമായി ബന്ധപ്പെട്ട കേസ് എല്‍എല്‍ബി പരീക്ഷ ചോദ്യപേപ്പറില്‍, പരാതി നല്‍കി എസ്എഫ്‌ഐ, താല്‍ക്കാലിക അധ്യാപകനെ പിരിച്ചുവിട്ട് കണ്ണൂര്‍ സര്‍വകലാശാല

കണ്ണൂര്‍: എഡിഎം നവീന്‍ ബാബുവിന്റെ മരണവുമായി ബന്ധപ്പെട്ട ചോദ്യം എല്‍എല്‍ബി പരീക്ഷയ്ക്ക് ഉള്‍പ്പെടുത്തിയ അധ്യാകനെതിരെ നടപടി. കാസർകോട് മഞ്ചേശ്വരം ലോ കോളജിലെ താൽക്കാലിക അധ്യാപകനായ ഷെറിൻ സി. എബ്രഹാമിനെ കണ്ണൂര്‍ സര്‍വകലാശാല പിരിച്ചുവിട്ടു.

എസ്എഫ്‌ഐ പരാതി നല്‍കിയതിനെ തുടര്‍ന്നാണ് നടപടി. ത്രിവത്സര എൽഎൽബി മൂന്നാം സെമസ്റ്റർ ഇന്റേണൽ പരീക്ഷാ പേപ്പറിലാണ് ചോദ്യം വന്നത്. സമകാലിക പ്രസക്തിയുള്ളതാണ് ചോദ്യമെന്നാണ് അധ്യാപകന്റെ വിശദീകരണം. ഷെറിനെ ജോലിയിൽ തിരിച്ചെടുക്കണമെന്ന് യൂണിവേഴ്സിറ്റി സെനറ്റേഴ്സ് ഫോറം ആവശ്യപ്പെട്ടു.