ഇടതുപക്ഷത്തിന് അനുകൂലമായി പാലക്കാട്ടെ ജനം വോട്ട് ചെയ്യും, ജനങ്ങളുടെ മനസ് എന്നോടൊപ്പമുണ്ടാകും; തികഞ്ഞ വിജയ പ്രതീക്ഷയിലെന്ന് പി. സരിന്‍

പാലക്കാട്: തികഞ്ഞ വിജയ പ്രതീക്ഷയിലെന്നും ജനങ്ങളുടെ മനസ് എന്നോടൊപ്പമുണ്ടാകുമെന്ന് പാലക്കാട്ടെ എല്‍.ഡി.എഫ്. സ്വതന്ത്ര സ്ഥാനാര്‍ഥി ഡോ. സരിന്‍. 

പാലക്കാടിന്റേത് ശരിയുടെയും സത്യത്തിന്റെയും തീരുമാനമായിരിക്കും. പാലക്കാടിന്റെ ജനാധിപത്യബോധവും മതേതര കാഴ്ചപ്പാടൊക്കെ ഉയര്‍ത്തിപിടിക്കുന്ന തെരഞ്ഞെടുപ്പാണ് ഇത്തവണത്തേത്. ജനങ്ങള്‍ കൂട്ടത്തോടെ അറിഞ്ഞു ചെയ്യുന്ന വോട്ടായി ഇത്തവണതേത് മാറും. 

ഇടതുപക്ഷത്തിന് അനുകൂലമായി പാലക്കാട്ടെ ജനം വോട്ട് ചെയ്യും. പാലക്കാട്ടെ ജനങ്ങളുടെ മനസ് എന്നോടൊപ്പമുണ്ടാകും. ജനങ്ങളുമായി ബന്ധപ്പെട്ട വിഷയങ്ങള്‍ കേന്ദ്രീകരിച്ചാണ് എന്റെ പ്രചാരണം. 

കള്ളവോട്ട് ആരോപണത്തില്‍ പരാതി നല്‍കിയിട്ടുണ്ട്. അത് കാര്യമാക്കുന്നില്ല. ഇരട്ട വോട്ടുള്ള ആരും ഇത്തവണ പോളിംഗ് ബൂത്തില്‍ എത്തില്ലെന്ന ആശ്വാസം ഇത്തവണയുണ്ടെന്നും സരിന്‍ പറഞ്ഞു.