വാടാനപ്പള്ളിയില്‍ പനി ബാധിച്ച്  ചികിത്സയിലിരുന്ന വിദ്യാര്‍ത്ഥി മരിച്ചു

വാടാനപ്പള്ളി: പനി ബാധിച്ച് ചികിത്സയിലായിരുന്ന വിദ്യാര്‍ത്ഥി മരിച്ചു. വാടാനപ്പള്ളി ബീച്ച് ശാന്തി റോഡ് തൗഫീഖിയ മദ്‌റസയ്ക്ക് സമീപം താമസിക്കുന്ന അയ്യാണ്ടി ജിതിന്‍ലാലിന്റെ മകന്‍ സഹസ്രനാഥാ(12)ണ് മരിച്ചത്.

കഴിഞ്ഞ തിങ്കളാഴ്ച പനി ബാധിച്ചതിനെത്തുടര്‍ന്ന് ചിലങ്ക സെന്ററിന് പടിഞ്ഞാറുള്ള സ്വകാര്യ ആശുപത്രിയിലും പിന്നീട് ഒളരിയിലെ സ്വകാര്യ ആശുപത്രിയിലും പ്രവേശിപ്പിച്ചിരുന്നു.

നില ഗുരുതരമായതോടെ  എറണാകുളത്തെ ആശുപത്രിയില്‍ പ്രവേശിപ്പിക്കുകയായിരുന്നു. വാടാനപ്പള്ളി ജി.എഫ് യു.പി. സ്‌കൂളിലെ ഏഴാം ക്ലാസ് വിദ്യാര്‍ഥിയാണ് സഹസ്രനാഥ്.