കോട്ടയം ചിങ്ങവനത്ത് സ്‌കൂട്ടര്‍ കാറില്‍ ഇടിച്ച് അപകടം;  മധ്യവയസ്‌കന് ദാരുണാന്ത്യം

കോട്ടയം: ചിങ്ങവനത്ത് കാര്‍ പാര്‍ക്ക് ചെയ്യാന്‍ ശ്രമിക്കുന്നതിനിടെ സ്‌കൂട്ടര്‍ കാറില്‍ ഇടിച്ച് സ്‌കൂട്ടര്‍ യാത്രക്കാരന്‍ മരിച്ചു. ചാന്നാനിക്കാട്, പുളിവേലില്‍ മധുസൂദനാ(66)ണ് മരിച്ചത്. 

കൊല്ലാട് കല്ലുങ്കല്‍ കടവില്‍ ഇന്നു രാവിലെ 7.30നാണ് സംഭവം. കല്ലുങ്കല്‍ കടവിനു സമീപമുള്ള മരണവീട്ടിലേക്കു വന്നതായിരുന്നു ഇരു വാഹനങ്ങളും. തുറസായ സ്ഥലത്തു പാര്‍ക്ക് ചെയ്യാന്‍ റോഡില്‍നിന്നു കാര്‍ പ്രവേശിക്കുമ്പോള്‍ എതിര്‍ദിശയില്‍നിന്നെത്തിയ സ്‌കൂട്ടര്‍ ഇടിക്കുകയായിരുന്നു.

 ഇടിയുടെ ആഘാതത്തില്‍ കാറിനടിയിലേക്ക് സ്‌കൂട്ടര്‍ കയറി. അടുത്തുനിന്ന വൈദ്യുതി പോസ്റ്റില്‍
ഇടിച്ചാണ് കാര്‍ നിന്നത്. ഓടിക്കൂടിയ നാട്ടുകാര്‍ മധുസൂദനനെ കാര്‍ മറിച്ചിട്ടാണ് വെളിയിലെടുത്തത്. ഈസ്റ്റ് പോലീസും ഫയര്‍ഫോഴ്‌സും സ്ഥലത്തെത്തി. മൃതദേഹം ജില്ലാ ആശുപത്രി മോര്‍ച്ചറിയില്‍. ഭാര്യ: പ്രിയ.