മൂവാറ്റുപുഴയില്‍ മദ്യപിച്ചെത്തി ഭാര്യയെ കുത്തിക്കൊല്ലാന്‍ ശ്രമിച്ച് കടന്നുകളഞ്ഞു; ഭര്‍ത്താവ് പിടിയില്‍

മൂവാറ്റുപുഴ: മദ്യപിച്ചെത്തി ഭാര്യയെ കുത്തിക്കൊല്ലാന്‍ ശ്രമിച്ച് കടന്നുകളഞ്ഞ ഭര്‍ത്താവ് പിടിയില്‍. മനോജ് കുഞ്ഞപ്പനെയാണ് പിടികൂടിയത്. വാക്കുതര്‍ക്കത്തിനിടെ ഭാര്യ സ്മിത(42)യെ ഇയാള്‍ കത്തികൊണ്ട് കത്തികുത്തിക്കൊലപ്പെടുത്തുകയായിരുന്നു.

നെഞ്ചിലും കാലിലും ഗുരുതര കുത്തേറ്റ ഇവരെ അയല്‍ക്കാര്‍ ആദ്യം മൂവാറ്റുപുഴ ജനറല്‍ ആശുപത്രിയിലും തുടര്‍ന്ന് കോട്ടയം മെഡിക്കല്‍ കോളേജ് ആശുപത്രിയിലും പ്രവേശിപ്പിച്ചു. തൊടുപുഴയില്‍ നിന്നാണ് ഇയാളെ പിടികൂടിയത്. 

മൂവാറ്റുപുഴയിലാണ് സംഭവം. ഡിവൈഎസ്പി വി.ടി. ഷാജന്റെ നേതൃത്വത്തിലുള്ള ഇന്‍സ്‌പെക്ടര്‍ എസ്. ജയകൃഷ്ണന്‍, എസ്.ഐമാരായ വിഷ്ണു രാജു, എം.വി. ദിലീപ് കുമാര്‍, പി.സി. ജയകുമാര്‍, ബിനോ ഭാര്‍ഗവന്‍, സീനിയര്‍ സിവില്‍ ഓഫീസര്‍മാരായ ബിബില്‍ മോഹന്‍, രഞ്ജിത് രാജന്‍ എന്നിവരടങ്ങിയ സംഘമാണ് പ്രതിയെ പിടികൂടിയത്.