വടക്കാഞ്ചേരിയില്‍ വീട് കുത്തിത്തുറന്ന് സ്വര്‍ണവും ടിവിയും ലാപ്പ്‌ടോപ്പുകളും കവര്‍ന്നു; പ്രായപൂര്‍ത്തിയാകാത്തയാള്‍ ഉള്‍പ്പെടെ മൂന്നുപേര്‍ പിടിയില്‍

വടക്കാഞ്ചേരി: എങ്കക്കാട് എച്ച്.എം.സി. നഗറില്‍ വീട് കുത്തിത്തുറന്ന് സ്വര്‍ണാഭരണങ്ങളും രണ്ട് ടെലിവിഷന്‍, ലാപ്പ് ടോപ്പുകളും  കവര്‍ന്ന കേസില്‍ പ്രായപൂര്‍ത്തിയാകാത്തയാള്‍ ഉള്‍പ്പെടെ മൂന്ന് പേര്‍ പിടിയില്‍.

എങ്കക്കാട് ചെറുവായില്‍ വീട്ടില്‍ ഹസന്‍ (27), തമിഴ്നാട് കള്ളക്കുറിശി സോമാശി പാളയം ശിവ (24) എന്നിവരും പ്രായപൂര്‍ത്തിയാകാത്ത ശിവയുടെ സഹോദരനുമാണ് പിടിയിലായത്.

കഴിഞ്ഞ വ്യാഴാഴ്ചയാണ് സംഭവം. നാല് മാസമായി അടഞ്ഞുകിടക്കുന്ന കളത്തിപ്പറമ്പില്‍ കുഞ്ഞാന്റെ വീട്ടിലാണ് പ്രതികള്‍ കവര്‍ച്ച നടത്തിയത്. ഭാര്യയുടെ മരണത്തെത്തുടര്‍ന്ന് കുഞ്ഞാന്‍ മലപ്പുറത്താണ് താമസം. പുല്ലുവെട്ട് തൊഴിലാളികളെത്തിയപ്പോഴാണ് വാതില്‍ തുറന്നുകിടക്കുന്ന നിലയില്‍ കണ്ടെത്തിയത്.