പേജർ ആക്രമണത്തിൽ കൊല്ലപ്പെട്ടവരുടെ സംസ്‌കാര ചടങ്ങ് നടക്കവെ ലെബനനിൽ വാക്കി ടോക്കികൾ പൊട്ടിത്തെറിച്ചു; മൂന്ന് മരണം സ്ഥിരീകരിച്ചു

ബെയ്റൂട്ട്: ലെബനനിൽ പേജറുകൾ പൊട്ടിത്തെറിച്ച് 12 പേർ മരിക്കുകയും 2800ലേറെ പേർക്ക് പരിക്കേൽക്കുകയും ചെയ്തതിന് പിന്നാലെ വാക്കി ടോക്കികൾ പൊട്ടിത്തെറിച്ചു.

ലെബനാൻ തലസ്ഥാനമായ ബെയ്റൂട്ടിലെ തെക്കൻ പ്രാന്ത പ്രദേശങ്ങളിലും ബെക്കാ മേഖലയിലും വാക്കി-ടോക്കികൾ പൊട്ടിത്തെറിച്ചതായാണ് റിപ്പോർട്ട്.

വിവിധ ഇടങ്ങളിലായുണ്ടായ അപകടങ്ങളിൽ 3 പേർ മരിച്ചതായും 100ലേറെ പേർക്ക് പരിക്കേറ്റതായുമാണ് റിപ്പോർട്ട്.

പലയിടത്തും പേജർ ആക്രമണത്തിൽ കൊല്ലപ്പെട്ടവരുടെ സംസ്‌കാര ചടങ്ങ് നടക്കവെയാണ് സ്ഫോടനമുണ്ടായത്.

ബെയ്‌റൂട്ടിന്റെ തെക്കൻ പ്രാന്തപ്രദേശങ്ങളിൽ നിരവധി വാക്കി ടോക്കികൾ പൊട്ടിത്തെറിച്ചതായി വാർത്താ ഏജൻസിയായ എഎഫ്പി റിപ്പോർട്ട് ചെയ്തു.

 പ്രദേശത്തെ രണ്ട് കാറുകൾക്കുള്ളിൽ വെച്ചിരുന്ന വാക്കിടോക്കികൾ പൊട്ടിത്തെറിച്ചതായി ഹിസ്ബുല്ലയുമായി ബന്ധപ്പെട്ടവരെ ഉദ്ധരിച്ച് റിപ്പോർട്ടുകൾ പറഞ്ഞു.