ആകാശച്ചുഴിയില്‍ ആടിയുലഞ്ഞ് വിമാനം; 40 യാത്രക്കാര്‍ക്ക് പരിക്ക്‌-വീഡിയോ

മാഡ്രിഡ്: സ്‌പെയിനിലെ മാഡ്രിഡില്‍ നിന്ന് യുറുഗ്വെയിലെ മോണ്ടെവീഡിയോയിലേക്ക് പുറപ്പെട്ട എയര്‍ യൂറോപ്പ വിമാനം ആകാശച്ചുഴിയില്‍ പെട്ടു. 40 യാത്രക്കാര്‍ക്ക് പരിക്കേറ്റു. തുടര്‍ന്ന് വിമാനം ബ്രസീലില്‍ അടിയന്തര ലാന്‍ഡിംഗ് നടത്തി.

Air Europa Boeing 787-9 (EC-MTI, built 2018) safely diverted to Natal-Intl AP(SBSG), Brazil after flight #UX45 from Madrid to Montevideo, Uruguay encountered severe turbulence during cruise flight at 36000 ft. leaving at least 30 persons injured and aircraft interior damaged.… pic.twitter.com/d51i9HFRJu

— JACDEC (@JacdecNew) July 1, 2024

325 പേരുമായി പുറപ്പെട്ട എയര്‍ യൂറോപ്പ ബോയിംഗ് 787-9 ഡ്രീംലൈനർ വിമാനമാണ് ആകാശച്ചുഴിയില്‍ പെട്ടത്. തുടര്‍ന്ന് വിമാനം  വടക്കുകിഴക്കൻ ബ്രസീലിലെ നടാൽ വിമാനത്താവളത്തിലേക്ക് ലാന്‍ഡിംഗിന് പുറപ്പെട്ടു. പരിക്കേറ്റവരെ ആശുപത്രികളിലേക്ക് മാറ്റി. നിലവില്‍ 11 പേര്‍ മാത്രമാണ് ചികിത്സയിലുള്ളതെന്നാണ് റിപ്പോര്‍ട്ട്.

El vuelo de @AirEuropa ux045 que sufrió turbulencias de aire claro pic.twitter.com/7ud1plk0uZ

— Nelson (@NblancoNelson) July 1, 2024

മേയ് മാസത്തിൽ സിംഗപ്പൂർ എയർലൈൻസിൻ്റെ ബോയിംഗ് 777 വിമാനം ആകാശച്ചുഴിയില്‍ ആടിയുലഞ്ഞ് ഒരു യാത്രക്കാരന്‍ മരിച്ചിരുന്നു.ഇതിന് ഒരാഴ്ചയ്ക്ക് ശേഷം ദോഹയില്‍ നിന്ന് ഡബ്ലിനിലേക്ക് പുറപ്പെട്ട ഖത്തര്‍ എയര്‍വേയ്‌സ് വിമാനം സമാനമായ അപകടത്തില്‍പെട്ട് 12 പേര്‍ക്ക് പരിക്കേറ്റിരുന്നു.