റാഞ്ചി: ജാര്‍ഖണ്ഡ് മുക്തി മോര്‍ച്ച(ജെഎംഎം)യില്‍ ഭിന്നതയെന്ന് റിപ്പോര്‍ട്ടുകള്‍. നിയമസഭാ തിരഞ്ഞെടുപ്പിന് മുന്നോടിയായി മുൻ മുഖ്യമന്ത്രി ചമ്പായി സോറനും മറ്റ് നിരവധി ജെഎംഎം എംഎൽഎമാരും ബിജെപിയിൽ ചേർന്നേക്കുമെന്നാണ് റിപ്പോര്‍ട്ട്.
നിലവിൽ ഹേമന്ത് സോറൻ്റെ നേതൃത്വത്തിലുള്ള ജാർഖണ്ഡ് സർക്കാരിൽ മന്ത്രിയായി സേവനമനുഷ്ഠിക്കുന്ന ചമ്പായി സോറൻ ബിജെപി നേതാക്കളുമായി ചര്‍ച്ച നടത്തുന്നുണ്ടെന്നാണ് സൂചന.
മുൻ ജാർഖണ്ഡ് മുക്തി മോർച്ച (ജെഎംഎം) എംഎൽഎ ലോബിൻ ഹെംബ്രോമും ബിജെപിയിൽ ചേർന്നേക്കുമെന്ന ഊഹാപോഹങ്ങളാണ് രാഷ്ട്രീയ വൃത്തങ്ങളിൽ ഉയരുന്നത്.
ഇതോടൊപ്പം എംഎല്‍എമാര്‍ അടക്കമുള്ള ചില ജെഎംഎം നേതാക്കള്‍ ബിജെപിയില്‍ ചേരാനുള്ള നീക്കം നടത്തുന്നുണ്ട്. കേന്ദ്ര ആഭ്യന്തര മന്ത്രി അമിത് ഷായെ കാണാൻ പ്രമുഖ ജെഎംഎം നേതാക്കൾ ഇതിനകം തന്നെ ഡൽഹിയിൽ എത്തിയിട്ടുണ്ടെന്നാണ് വിവരം. എംഎല്‍എമാരുടെ ഈ നീക്കം ജെഎംഎം നേതൃത്വത്തില്‍ ആശങ്ക ഉയർത്തിയിട്ടുണ്ട്.
ഹേമന്ത് സോറനെ ഇഡി അറസ്റ്റ് ചെയ്തതിന് പിന്നാലെയാണ് ചമ്പായ് സോറന് മുഖ്യമന്ത്രിയായി സ്ഥാനമേറ്റത്. എന്നാല്‍ അഞ്ച് മാസം മാത്രമാണ് അദ്ദേഹത്തിന് അധികാരത്തിലിരിക്കാന്‍ സാധിച്ചത്. ഹേമന്ത് സോറന് തിരിച്ചെത്തിയതോടെ ചമ്പായിക്ക് മുഖ്യമന്ത്രിസ്ഥാനം ഒഴിയേണ്ടി വന്നു. തുടര്‍ന്ന് ചമ്പായ് സോറന് കടുത്ത അതൃപ്തിയിലാണ്. ഇതാണ് അദ്ദേഹത്തെ ബിജെപിയില്‍ ചേരാന്‍ പ്രേരിപ്പിക്കുന്നതും.
നിയമസഭാ തെരഞ്ഞെടുപ്പിന് മുന്നോടിയായി താൻ ബിജെപിയിൽ ചേരുമെന്ന അഭ്യൂഹങ്ങൾ ചമ്പായി സോറൻ തള്ളി.
“എന്തൊക്കെ കിംവദന്തികളാണ് പ്രചരിക്കുന്നതെന്ന് എനിക്കറിയില്ല. ഏത് വാർത്തയാണ് പ്രചരിക്കുന്നതെന്ന് എനിക്കറിയില്ല, അതിനാൽ ഇത് ശരിയാണോ അല്ലയോ എന്ന് എനിക്ക് പറയാൻ കഴിയില്ല, എനിക്ക് അതിനെക്കുറിച്ച് ഒന്നും അറിയില്ല,” ചമ്പായി സോറൻ പറഞ്ഞു.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/3S8SMA0aybExx5rEBooy.jpg)