പ്രതിപക്ഷമില്ലാതെ ജനാധിപത്യമില്ല, ഷേഖ് ഹസീനയ്ക്ക് സംഭവിച്ചത് പോലെ പ്രതിപക്ഷമില്ലാതെ സഭ മുന്നോട്ട് കൊണ്ടു പോകാമെന്ന ചിന്ത പോലും തെറ്റാണ്, ജോര്‍ജ് കള്ളിവയലില്‍ എഴുതുന്നു

‘ജ​നാ​ധി​പ​ത്യ​ത്തി​ന്‍റെ മാ​താ​വ്’ എ​ന്നാ​ണ് ഇ​ന്ത്യ​ൻ ജ​നാ​ധി​പ​ത്യ​ത്തെ വി​ശേ​ഷി​പ്പി​ക്കു​ന്ന​ത്. രാ​ജ്യ​ത്തി​ന​ക​ത്തും വി​ദേ​ശ​ത്തും പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ക്കാ​ര്യം ആ​വ​ർ​ത്തി​ച്ചു പ​റ​യാ​റു​ണ്ട്.

ലോ​ക​ത്തി​ലെ ഏ​റ്റ​വും വ​ലി​യ ജ​നാ​ധി​പ​ത്യരാ​ജ്യ​ത്ത്, പ​ക്ഷേ പാ​ർ​ല​മെ​ന്‍റ​റി ജ​നാ​ധി​പ​ത്യം പ​തി​വി​ല്ലാ​ത്ത പ്ര​തി​സ​ന്ധി​യും വെ​ല്ലു​വി​ളി​ക​ളും നേ​രി​ടു​ക​യാ​ണ്. ജ​നാ​ധി​പ​ത്യ​ത്തി​ന്‍റെ ശ്രീ​കോ​വി​ലാ​യ പാ​ർ​ല​മെ​ന്‍റി​ൽ ന​ട​ക്കു​ന്ന​തെ​ല്ലാം ജ​നാ​ധി​പ​ത്യ​ത്തി​ന്‍റെ അ​ന്തഃ​സ​ത്ത​യ്ക്കു ചേ​ർ​ന്ന​താ​ണോ എ​ന്നു ചി​ന്തി​ക്കേ​ണ്ടി​യി​രി​ക്കു​ന്നു.

ലോ​ക്സ​ഭ​യി​ലും രാ​ജ്യ​സ​ഭ​യി​ലും ന​ട​ക്കു​ന്ന​തെ​ല്ലാം ജ​നാ​ധി​പ​ത്യ​ത്തി​നും ജ​നാ​ഭി​ലാ​ഷ​ങ്ങ​ൾ​ക്കും ഉ​ത​കേ​ണ്ട​തു​ണ്ട്. നി​യ​മ​നി​ർ​മാ​ണം മു​ത​ൽ ജ​ന​കീ​യ പ്ര​ശ്ന​ങ്ങ​ൾ ഉ​യ​ർ​ത്തു​ന്ന​തി​ൽ വ​രെ ജ​ന​പ്ര​തി​നി​ധി​ക​ളു​ടെ സ​ഭ നി​ല​വാ​ര​വും മൂ​ല്യ​വും പു​ല​ർ​ത്തു​ക​യും ല​ക്ഷ്യം പൂ​ർ​ത്തീ​ക​രി​ക്കു​ക​യെ​ന്ന​തും പ്ര​ധാ​ന​മാ​ണ്. ജ​നാ​ധി​പ​ത്യ​ത്തി​ൽ ഭ​ര​ണ​പ​ക്ഷ​ത്തി​നും പ്ര​തി​പ​ക്ഷ​ത്തി​നും ഏ​താ​ണ്ടു തു​ല്യ​പ​ങ്കും അ​വ​സ​ര​വു​മു​ണ്ടാ​ക​ണം. സ​ഭാ​ധ്യ​ക്ഷ​ന്മാ​ർ നി​ഷ്പ​ക്ഷ​മാ​യി പ്ര​വ​ർ​ത്തി​ക്കു​ക​യും അ​ങ്ങനെ ചെ​യ്യു​ന്നു​വെ​ന്നു ബോ​ധ്യ​പ്പെ​ടു​ത്തു​ക​യും വേ​ണം.

നേ​ട്ട​മാ​ക്കി​യ സ്വാ​ത​ന്ത്ര്യം

ഭാ​ര​തം സ്വാ​ത​ന്ത്ര്യം നേ​ടി​യ​തി​ന്‍റെ 78-ാം വാ​ർ​ഷി​കം വ്യാ​ഴാ​ഴ്ച രാ​ജ്യ​മാ​കെ ആ​ഘോ​ഷി​ക്കു​ക​യാ​ണ്. രാ​ഷ്‌​ട്ര​പി​താ​വ് മ​ഹാ​ത്മാഗാ​ന്ധി​യു​ടെ നേ​തൃ​ത്വ​ത്തി​ൽ ന​ട​ന്ന വീ​രോ​ചി​ത സ്വാ​ത​ന്ത്ര്യസ​മ​ര​ത്തി​ന്‍റെ യാ​ത​ന​ക​ളും പൂ​ർ​വ​പി​താ​ക്ക​ന്മാ​രു​ടെ ജീ​വ​ത്യാ​ഗ​വും മ​റ​ക്കാ​നാ​കി​ല്ല. ഫ്യൂ​ഡ​ൽ ഭ​ര​ണ​ത്തി​ൽ​നി​ന്നു മോ​ച​നം നേ​ടി​യെ​ന്ന​തും ലോ​ക​ത്തി​ലെ ഏ​റ്റ​വും ശ​ക്ത​രാ​യ രാ​ജ്യ​ങ്ങ​ളി​ലൊ​ന്നാ​യി വ​ള​രാ​ൻ ക​ഴി​ഞ്ഞു​വെ​ന്ന​തും അ​ഭി​മാ​ന​ക​ര​മാ​ണ്. ഇ​ന്ത്യ​യും ഇ​ന്ത്യ​ക്കാ​രും കൈ​വ​രി​ച്ച സാ​ന്പ​ത്തി​കവ​ള​ർ​ച്ച​യും വി​ക​സ​ന​വും ആ​ഗോ​ള അം​ഗീ​കാ​ര​വും തീ​ർ​ച്ച​യാ​യും നേ​ട്ട​മാ​ണ്. രാ​ഷ്‌​ട്രീ​യ​ത്തി​ന​പ്പു​റം മ​ഹാ​ന്മാ​രാ​യ നേ​താ​ക്ക​ളും മി​ക​ച്ച പ്ര​ധാ​ന​മ​ന്ത്രി​മാ​രും സ​ർ​ക്കാ​രു​ക​ളും ന​മു​ക്കു​ണ്ടാ​യി.

ജ​നാ​ധി​പ​ത്യ സം​വി​ധാ​നം ഏ​ഴ​ര പ​തി​റ്റാ​ണ്ടാ​യി വി​ജ​യ​ക​ര​മാ​യി മു​ന്നോ​ട്ടു പോ​കു​ന്ന​തു ചെ​റി​യ നേ​ട്ട​മ​ല്ല. രാ​ഷ്‌​ട്രീ​യ​വും മ​ത​പ​ര​വും ജാ​തീ​യ​വും പ്രാ​ദേ​ശി​ക​വു​മാ​യ വ്യ​ത്യ​സ്തത​ക​ൾ കൂ​ടു​ത​ലു​ള്ള രാ​ജ്യ​മാ​ണ് ഇ​ന്ത്യ. ഇ​ന്ത്യ​പോ​ലെ വൈ​വി​ധ്യ​ങ്ങ​ൾ നി​റ​ഞ്ഞ രാ​ജ്യ​ത്താ​ണ് മ​റ്റു പ​ല രാ​ജ്യ​ങ്ങ​ളേ​ക്കാ​ളും ശ​ക്ത​വും സു​സ്ഥി​ര​വു​മാ​യ പാ​ർ​ല​മെ​ന്‍റും സ​ർ​ക്കാ​രും ഉ​ള്ള​ത്. പാ​ക്കി​സ്ഥാ​നും ബം​ഗ്ലാ​ദേ​ശും നേ​പ്പാ​ളും ശ്രീ​ല​ങ്ക​യും അ​ഫ്ഗാ​നി​സ്ഥാ​നും മാ​ലി​ദ്വീ​പും അ​ട​ക്ക​മു​ള്ള ദ​ക്ഷി​ണേ​ഷ്യ​യി​ലെ അ​യ​ൽ​രാ​ജ്യ​ങ്ങ​ളി​ൽ പ​തി​വാ​യ പ്ര​തി​സ​ന്ധി​ക​ൾ ഇ​ന്ത്യ​ക്കി​ല്ല. ഭ​ര​ണ​സ്ഥി​ര​ത, സാ​ന്പ​ത്തി​കവ​ള​ർ​ച്ച, അ​ടി​സ്ഥാ​നസൗ​ക​ര്യ വി​ക​സ​നം, മ​നു​ഷ്യ​ശേ​ഷി വി​ക​സ​നം തു​ട​ങ്ങി പ​ല മേ​ഖ​ല​ക​ളി​ലും ഇ​ന്ത്യ​യു​ടെ പു​രോ​ഗ​തി പ്ര​ശം​സ​നീ​യ​മാ​ണ്.

വെ​ട്ടി​ച്ചു​രു​ക്കി​യ സ​മ്മേ​ള​നം

ഒ​രു വ​ശ​ത്ത് അ​ഭി​മാ​ന​ക​ര​മാ​യ നേ​ട്ട​ങ്ങ​ൾ പ്ര​ത്യാ​ശ​യാ​കു​ന്പോ​ൾ മ​റു​വ​ശ​ത്ത് ഭ​ര​ണ​ഘ​ട​നാ, ജ​നാ​ധി​പ​ത്യ മൂ​ല്യ​ങ്ങ​ളു​ടെ ശോ​ഷ​ണ​വും ത​ക​ർ​ച്ച​യും ആ​ശ​ങ്ക​യും ഒ​രു പ​രി​ധി വ​രെ നി​രാ​ശാ​ജ​ന​ക​വു​മാ​ണ്. ലോ​ക്സ​ഭ​യി​ലും രാ​ജ്യ​സ​ഭ​യി​ലും സം​ഭ​വി​ക്കു​ന്ന​തെ​ല്ലാം ജ​നാ​ധി​പ​ത്യ​ത്തി​നു ഗു​ണ​ക​ര​മ​ല്ല. നി​യ​മ​നി​ർ​മാ​ണ​ങ്ങ​ൾ പോ​ലും ഏ​ക​പ​ക്ഷീ​യ​മാ​കു​ന്ന​തു പ​തി​വാ​ണ്. ജ​ന​കീ​യ പ്ര​ശ്ന​ങ്ങ​ളിന്മേ​ലു​ള്ള ച​ർ​ച്ച​ക​ളി​ലും സ​ർ​ക്കാ​രി​ന്‍റെ സ​മീ​പ​ന​ങ്ങ​ളി​ലും പ്ര​തി​പ​ക്ഷ പ്ര​തി​ഷേ​ധ​ങ്ങ​ളി​ലു​മെ​ല്ലാം ശു​ഭ​ക​ര​മ​ല്ലാ​ത്ത പ​ല സൂ​ച​ന​ക​ളു​മു​ണ്ട്.

തി​ങ്ക​ളാ​ഴ്ച വ​രെ നി​ശ്ച​യി​ച്ചി​രു​ന്ന ലോ​ക്സ​ഭ​യും രാ​ജ്യ​സ​ഭ​യും ഇ​ന്ന​ലെ അ​നി​ശ്ചി​ത കാ​ല​ത്തേ​ക്കു പി​രി​ഞ്ഞ​തുപോ​ലും ന​ല്ല​ത​ല്ല. പാ​ർ​ല​മെ​ന്‍റ് സ​മ്മേ​ള​നം ചേ​രു​ന്ന ദി​ന​ങ്ങ​ളു​ടെ എ​ണ്ണം കു​റ​ഞ്ഞു​വ​രു​ന്ന​തും നി​യ​മ​നി​ർ​മാ​ണ​ങ്ങ​ളി​ൽ​പോ​ലും ഫ​ല​പ്ര​ദ​മാ​യ ച​ർ​ച്ച​ക​ൾ ന​ട​ക്കാ​തി​രി​ക്കു​ന്ന​തും ജ​നാ​ധി​പ​ത്യ​ത്തി​ന്‍റെ ദു​ര​ന്ത​മാ​ണ്. അ​ത്ത​രം പോ​രാ​യ്മ​ക​ൾ​ക്ക് ആ​ക്കം കൂ​ട്ടു​ന്ന​താ​ണു നി​ശ്ച​യി​ച്ച​തി​ലും നേ​ര​ത്തേ സ​മ്മേ​ള​നം വെ​ട്ടി​ച്ചു​രു​ക്കി നേ​ര​ത്തേ പി​രി​ഞ്ഞ​ത്.

രാ​ജ്യ​ത്തെ ന​ടു​ക്കി​യ ഉ​രു​ൾ​പൊ​ട്ട​ലു​ണ്ടാ​യ വ​യ​നാ​ട്ടി​ലെ ദു​ര​ന്ത​മേ​ഖ​ല സ​ന്ദ​ർ​ശി​ക്കാ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ന്നു കേ​ര​ള​ത്തി​ലെ​ത്തു​ന്ന​തി​ന്‍റെ ത​​ലേ​ന്നാ​ണു പാ​ർ​ല​മെ​ന്‍റി​ലെ ത​ർ​ക്കം രൂ​ക്ഷ​മാ​യ​ത്. വ​യ​നാ​ട്ടി​ലെ ദു​ര​ന്ത​ത്തേ​ക്കാ​ൾ വ​ലി​യ ദു​ര​ന്ത​മാ​കും ജ​നാ​ധി​പ​ത്യ​ത്തി​നു സം​ഭ​വി​ക്കു​ന്ന അ​പ​രി​ഹാ​ര്യ​മാ​യ കോ​ട്ട​ങ്ങ​ൾ.

ധ​ൻ​ക​റി​നെ നീ​ക്കാ​ൻ പ്ര​മേ​യം

ഏ​ക​പ​ക്ഷീ​യ​മാ​യി പെ​രു​മാ​റു​ന്ന രാ​ജ്യ​സ​ഭാ ചെ​യ​ർ​മാ​ൻ ജ​ഗ​ദീ​പ് ധ​ൻ​ക​റി​നെ പ​ദ​വി​യി​ൽനി​ന്നു നീ​ക്കാ​ൻ ച​രി​ത്ര​ത്തി​ലാ​ദ്യ​മാ​യി പ്ര​മേ​യം കൊ​ണ്ടു​വ​രാ​നാ​ണു പ്ര​തി​പ​ക്ഷം ഒ​പ്പു ശേ​ഖ​രി​ച്ച​ത്. ഉ​പ​രാ​ഷ്‌​ട്ര​പ​തി കൂ​ടി​യാ​യ രാ​ജ്യ​സ​ഭാ​ധ്യ​ക്ഷ​നെ​തി​രേ പാ​ർ​ല​മെ​ന്‍റ​റി ച​രി​ത്ര​ത്തി​ൽ ഇ​ന്നേ​വ​രെ അ​വി​ശ്വാ​സപ്ര​മേ​യം ഉ​ണ്ടാ​യി​ട്ടി​ല്ല. പാ​ർ​ല​മെ​ന്‍റി​ന്‍റെ ഇ​രു​സ​ഭ​ക​ളും ഇ​ന്ന​ലെ അ​നി​ശ്ചി​ത​കാ​ല​ത്തേ​ക്കു പി​രി​ഞ്ഞ​തി​നാ​ൽ ഇ​നി ശൈ​ത്യ​കാ​ല സ​മ്മേ​ള​ന​ത്തി​ലേ സാ​ധ്യ​ത​യു​ള്ളൂ. പ്ര​മേ​യ​ത്തി​നു ര​ണ്ടാ​ഴ്ച​ത്തെ നോ​ട്ടീ​സ് വേ​ണം. അ​ടു​ത്ത സ​മ്മേ​ള​ന​ത്തി​നു മു​ന്പാ​യി പ്ര​ശ്നം പ​രി​ഹ​രി​ക്കാ​നാ​യാ​ൽ ന​ന്ന്. പ്ര​തി​പ​ക്ഷം ഒ​റ്റ​ക്കെ​ട്ടാ​യി നി​ന്നാ​ലും പ്ര​മേ​യം പാ​സാ​ക്കാ​നോ ധ​ൻ​ക​റി​നെ പു​റ​ത്താ​ക്കാ​നോ ക​ഴി​ഞ്ഞേ​ക്കി​ല്ല.

സാ​ങ്കേ​തി​ക​മാ​യി പ്ര​മേ​യം പ​രാ​ജ​യ​പ്പെ​ട്ടാ​ലും സ​ഭാ​ധ്യ​ക്ഷ​നാ​യ ധ​ൻ​ക​റി​ന്‍റെ ഏ​ക​പ​ക്ഷീ​യ​മാ​യ പ്ര​സ്താ​വ​ന​ക​ളും തീ​രു​മാ​ന​ങ്ങ​ളും തു​റ​ന്നു​കാ​ട്ടാ​ൻ സ​ഹാ​യി​ക്കു​മെ​ന്ന് കോ​ണ്‍ഗ്ര​സും ഇ​ത​ര പ്ര​തി​പ​ക്ഷ പാ​ർ​ട്ടി​ക​ളും ക​രു​തു​ന്നു. രാ​ജ്യ​സ​ഭ​യി​ൽ​നി​ന്ന് പ്ര​തി​പ​ക്ഷം ഒ​ന്ന​ട​ങ്കം ഇ​ന്ന​ലെ ഇ​റ​ങ്ങി​പ്പോ​കേ​ണ്ടി വ​ന്ന​തി​ലേ​ക്കു ന​യി​ച്ച സം​ഭ​വ​ങ്ങ​ൾ തി​ക​ച്ചും നി​ർ​ഭാ​ഗ്യ​ക​ര​മാ​ണ്. രാ​വി​ലെ​യും പി​ന്നീ​ടു പ​ല​ത​വ​ണ പി​രി​ഞ്ഞ ശേ​ഷം ചേ​ർ​ന്ന​പ്പോ​ഴും പ്ര​തി​പ​ക്ഷ​മി​ല്ലാ​തെ സ​ഭാ​ ന​ട​പ​ടി​ക​ളു​മാ​യി മു​ന്നോ​ട്ടു​ പോ​യ​തി​ലും അ​പാ​യപ്ര​വ​ണ​ത​ക​ളു​ണ്ട്. പ്ര​തി​പ​ക്ഷ നേ​താ​വും മു​തി​ർ​ന്ന അം​ഗ​ങ്ങ​ളും അ​ട​ക്കം സ​ഭ​യി​ലെ പ​കു​തി വ​രു​ന്ന പ്ര​തി​പ​ക്ഷ എം​പി​മാ​രു​ടെ അ​സാ​ന്നി​ധ്യ​ത്തി​ൽ പ്ര​തി​പ​ക്ഷ​ത്തി​നെ​തി​രേ ചെ​യ​ർ​മാ​നും ഭ​ര​ണ​പ​ക്ഷ നേ​താ​ക്ക​ളും ന​ട​ത്തി​യ രൂ​ക്ഷ വി​മ​ർ​ശ​ന​ങ്ങ​ൾ ജ​നാ​ധി​പ​ത്യ​ത്തി​നു ഗു​ണ​ത്തേ​ക്കാ​ളേ​റെ ദോ​ഷ​ക​ര​മാ​കും.