ഡല്‍ഹിയിലെ വായുവിന്റെ ഗുണനിലവാരം 8 ദിവസത്തിന് ശേഷം മെച്ചപ്പെട്ടു, മൊത്തത്തിലുള്ള എക്യുഐ 379 ആയി

ഡല്‍ഹി: തുടര്‍ച്ചയായ എട്ട് ദിവസത്തെ കടുത്ത വായു മലിനീകരണത്തിന് ശേഷം ഡല്‍ഹിയിലെ വായുവിന്റെ ഗുണനിലവാരം അല്‍പ്പം മെച്ചപ്പെട്ടതായി റിപ്പോര്‍ട്ട്.

മൊത്തത്തിലുള്ള വായു ഗുണനിലവാര സൂചിക (എക്യുഐ) രാവിലെ 7 മണിക്ക് 379 ല്‍ എത്തി. ദേശീയ തലസ്ഥാനത്തുടനീളമുള്ള നിരവധി എയര്‍ മോണിറ്ററിംഗ് സ്റ്റേഷനുകളിലെ എക്യൂഐ ഇപ്പോഴും 400-ന് മുകളിലാണ്. ഇത് ഗുരുതരമായ വിഭാഗത്തില്‍ പെടുന്നു.

സെന്‍ട്രല്‍ പൊല്യൂഷന്‍ കണ്‍ട്രോള്‍ ബോര്‍ഡിന്റെ (സിപിസിബി) കണക്കനുസരിച്ച്, ജഹാംഗീര്‍പുരി, വസീര്‍പൂര്‍ എന്നിവിടങ്ങളില്‍ 437, ബവാന 419, അശോക് വിഹാര്‍, മുണ്ട്ക എന്നിവിടങ്ങളില്‍ 416 എന്നിങ്ങനെ എക്യൂഐ രേഖപ്പെടുത്തി.

ഇന്ത്യന്‍ കാലാവസ്ഥാ വകുപ്പിന്റെ കണക്കനുസരിച്ച് വ്യാഴാഴ്ച ഡല്‍ഹിയിലെ താപനില കുറഞ്ഞത് 11 ഡിഗ്രി സെല്‍ഷ്യസ് മുതല്‍ പരമാവധി 26 ഡിഗ്രി സെല്‍ഷ്യസ് വരെയാണ്.