'സ്വപ്നം പാലക്കാടിന്റെ' പതിനൊന്നാം വാർഷികവും ഓണാഘോഷവും നടത്തി

പാലക്കാട്: പാർശ്വവൽക്കരിക്കപ്പെട്ട സമൂഹത്തിനു വേണ്ടി പതിനൊന്നു വർഷമായി പ്രവർത്തിക്കുന്ന സ്വപ്നം പാലക്കാടിന്റെ ഓണാഘോഷവും പതിനൊന്നാം വാർഷികവും നഗരസഭാ ചെയർ പേഴ്സൺ പ്രമീള ശരീധരൻ ഉദ്ഘാടനം ചെയ്തു.

വിക്ടോറിയ കോളേജ് ഒ.വി.വിജയൻ ഹാളിൽ ചേർന്ന യോഗത്തിൽ സ്വപ്നം പാലക്കാട് രക്ഷാധികാരി എൻ.ജി.േജ്വാൺസൻ അദ്ധ്യക്ഷനായി. ജില്ലാ പഞ്ചായത്ത് പ്രസിഡന്റ് കെ. ബിനു മോൾ ഓണ സന്ദേശം നൽകി.

പ്രസിഡന്റ് ലില്ലി വാഴയിൽ, തൃശൂർ കെസ്സ് ഡയറക്ടർ ഫാ: ജിന്റോ ചിറയത്ത്, വ്യാപാരി വ്യവസായി ഏകോപനസമിതി ടൗൺ യുണിറ്റ് പ്രസിഡന്റ് അസ്സൻ മുഹമ്മദ് ഹാജി,ഡോ: സുജിത്, മാധ്യമ പ്രവർത്തകൻ ജോസ് ചാലക്ക, പി.പ്രേമ തുടങ്ങിയവർ പ്രസംഗിച്ചു. ഓണ കാറ്റ്, ഓണക്കോടി വിതരണവും ഓണ സദ്യ, വിവിധ കലാപരിപാടികളും പൂക്കളമിടലും ഉണ്ടായി.