സ്‌കോർപിയോ എൻ-ന് വേണ്ടി മഹീന്ദ്ര ഒരു ഒടിഎ അപ്‌ഡേറ്റ് പുറത്തിറക്കി

സ്കോർപിയോ ബ്രാൻഡ് (ക്ലാസിക്കും എൻ ഉം) ഉപയോഗിച്ച്, 2024 സാമ്പത്തിക വർഷത്തിൽ 4,59,877 യൂണിറ്റുകളുടെ ഏറ്റവും ഉയർന്ന വാർഷിക വിൽപ്പന കൈവരിക്കാൻ കമ്പനിക്ക് കഴിഞ്ഞു. ഇപ്പോഴിതാ സ്‌കോർപിയോ എൻ-ന് വേണ്ടി മഹീന്ദ്ര ഒരു ഒടിഎ (ഓവർ-ദി-എയർ) അപ്‌ഡേറ്റ്  പുറത്തിറക്കി. ബാറ്ററി ചോർച്ച പ്രശ്‌നങ്ങളും ഹോം സ്‌ക്രീൻ അലക്‌സയുമായി ബന്ധപ്പെട്ട പ്രശ്‌നങ്ങളും മറ്റും പരിഹരിക്കാനാണ് ഇതിലൂടെ കമ്പനി ലക്ഷ്യമിടുന്നത് എന്നാണ് റിപ്പോര്‍ട്ടുകൾ.  

മഹീന്ദ്ര സ്‌കോർപിയോ എൻ-ൻ്റെ ഉടമകൾക്ക് തങ്ങളുടെ എസ്‌യുവി 'പാർക്കിൽ' ഹാൻഡ്‌ബ്രേക്ക് ഓണാക്കി എഞ്ചിൻ പ്രവർത്തിപ്പിച്ചുകൊണ്ട് ഏറ്റവും പുതിയ ഒടിഎ അപ്‌ഡേറ്റ് ഡൗൺലോഡ് ചെയ്യാം. ഡൗൺലോഡും ഇൻസ്റ്റാളേഷനും വാഹനത്തിനൊപ്പം നൽകുന്ന Vi e-sim മുഖേനയാണ് ചെയ്യുന്നത്. ഏകദേശം 35 മുതൽ 40 മിനിറ്റിനുള്ളിൽ മുഴുവൻ അപ്‌ഡേറ്റ് നടപടിക്രമവും പൂർത്തിയാകും.

അടുത്തിടെ, കമ്പനി സ്കോർപിയോ എൻ-ൻ്റെ ടോപ്പ്-എൻഡ് Z8L വേരിയൻ്റിൽ കുറച്ച് പുതിയ സവിശേഷതകൾ അവതരിപ്പിച്ചിരുന്നു. മോഡലിന് വെൻ്റിലേറ്റഡ് സീറ്റുകൾ, ഒരു ഓട്ടോ-ഡിമ്മിംഗ് ഐആ‍ർവിഎം, കൂളിംഗ് ഫംഗ്ഷനോടുകൂടിയ വയർലെസ് ചാർജർ, മധ്യഭാഗത്ത് ഉയർന്ന ഗ്ലോസ് ഫിനിഷ്. കൺസോൾ തുടങ്ങിയവ ലഭിക്കുന്നു. മിഡ്‌നൈറ്റ് ബ്ലാക്ക് പെയിൻ്റ് സ്കീമിലും Z8 ട്രിം വാഗ്ദാനം ചെയ്യുന്നു. മേൽപ്പറഞ്ഞ എല്ലാ അപ്‌ഡേറ്റുകളും അധിക നിരക്ക് ഈടാക്കാതെയാണ് വന്നത് എന്നാണ് റിപ്പോര്‍ട്ടുകൾ.

ഈ വർഷമാദ്യം, മഹീന്ദ്ര സ്കോർപിയോ X എന്ന പേര് ട്രേഡ്മാർക്ക് ചെയ്യപ്പെട്ടിരുന്നു. ഇത് സ്കോർപിയോ എൻ അടിസ്ഥാനമാക്കിയുള്ള ലൈഫ്‌സ്‌റ്റൈൽ പിക്കപ്പിനായി ഉപയോഗിക്കാനാണ് സാധ്യത. ഈ മോഡൽ ആദ്യമായി ഗ്ലോബൽ പിക്ക് അപ്പ് ആയി പ്രദർശിപ്പിച്ചു, അതിൻ്റെ പ്രൊഡക്ഷൻ-റെഡി പതിപ്പ് 2026-ൽ എത്തുമെന്നാണ് റിപ്പോർട്ടുകൾ. അനാച്ഛാദനം ചെയ്ത കൺസെപ്റ്റിൽ മഹീന്ദ്രയുടെ 2.2 എൽ ഡീസൽ എഞ്ചിൻ 172 ബിഎച്ച്പിയും 400 എൻഎം ടോർക്കും നൽകുന്നു. ലൈഫ്‌സ്‌റ്റൈൽ പിക്കപ്പ് ട്രക്ക് മാനുവൽ, ഓട്ടോമാറ്റിക് ഗിയർബോക്‌സുകളുമായി വരുമെന്ന് മഹീന്ദ്ര ആൻഡ് മഹീന്ദ്ര ഇതിനകം സ്ഥിരീകരിച്ചിട്ടുണ്ട്. പുതിയ സ്റ്റീൽ ഹെവി ലാഡർ-ഓൺ-ഫ്രെയിം പ്ലാറ്റ്‌ഫോം ഗ്ലോബൽ പിക്ക് അപ്പ് ട്രക്കിന് അടിവരയിടുന്നു. ഇത് മഹീന്ദ്രയുടെ നിലവിലുള്ള പ്ലാറ്റ്‌ഫോം അധിഷ്‌ഠിത വാഹനങ്ങളേക്കാൾ ഭാരം കുറഞ്ഞതും കടുപ്പമുള്ളതുമാണ്.