ചര്മ്മത്തെ ആരോഗ്യത്തോടെ സംരക്ഷിക്കാന് ഭക്ഷണ കാര്യത്തില് പ്രത്യേക ശ്രദ്ധ വേണം. ആന്റി ഓക്സിഡന്റ് ഗുണങ്ങളും ആന്റി ഇന്ഫ്ലമേറ്ററി ഗുണങ്ങളും അടങ്ങിയ മഞ്ഞള് ഡയറ്റില് ഉള്പ്പെടുത്തുന്നത് ചര്മ്മത്തിന്റെ ആരോഗ്യത്തിന് ഏറെ നല്ലതാണ്. വിറ്റാമിന് സിയും ആന്റി ഓക്സിഡന്റുകളും അടങ്ങിയ നെല്ലിക്ക ഡയറ്റില് ഉള്പ്പെടുത്തുന്നതും ചര്മ്മം ചെറുപ്പമായിരിക്കാന് സഹായിക്കും.
വിറ്റാമിന് എയും മറ്റ് ആന്റി ഓക്സിഡന്റുകളും അടങ്ങിയ മധുരക്കിഴങ്ങ് കഴിക്കുന്നതും ചര്മ്മത്തിന്റെ ആരോഗ്യത്തിന് നല്ലതാണ്. ആന്റി ഓക്സിഡന്റുകളുടെ കലവറയായ ബെറിപ്പഴങ്ങള് കഴിക്കുന്നതും ചര്മ്മം ചെറുപ്പമായിരിക്കാന് സഹായിക്കും.
ഒമേഗ 3 ഫാറ്റി ആസിഡുംആരോഗ്യകരമായ കൊഴുപ്പും വിറ്റാമിന് ഇയും അടങ്ങിയ അവക്കാഡോ കഴിക്കുന്നതും ചര്മ്മത്തിലെ ചുളിവുകളെ തടയാനും മുഖത്ത് പ്രായക്കൂടുതല് തോന്നിക്കാതിരിക്കാനും സഹായിക്കും.
പ്രോട്ടീനുകളും വിറ്റാമിനുകളും അടങ്ങിയ മുട്ട കഴിക്കുന്നതും ചര്മ്മത്തിലെ ചുളിവുകളെ തടയാനും ചര്മ്മം ചെറുപ്പമായിരിക്കാനും സഹായിക്കും. വിറ്റാമിന് ഇ അടങ്ങിയ സൂര്യകാന്തി വിത്തുകള് ഡയറ്റില് ഉള്പ്പെടുത്തുന്നത് ചര്മ്മത്തിന്റെ ആരോഗ്യത്തിന് ഗുണം ചെയ്യും. ആന്റി ഓക്സിഡന്റുകള് അടങ്ങിയ ഡാര്ക്ക് ചോക്ലേറ്റ് കഴിക്കുന്നതും ചര്മ്മത്തിന് നല്ലതാണ്.