സെന്റ് കാർലോ അക്ക്യൂട്ടിസ് ഫുട്ബോൾ ടൂർണമെന്റ് ലിമറിക്കിൽ: 9 ടീമുകൾ സെപ്റ്റംബർ 28ന് മത്സരത്തിനിറങ്ങും

ലിമറിക്ക്: സീറോ മലബാർ യുവജന പ്രസ്ഥാനം (SMYM) അയർലണ്ടിന്റെ ആഭിമുഖ്യത്തിൽ സെന്റ് കാർലോ അക്ക്യൂട്ടിസ് ഫുട്ബോൾ ടൂർണമെന്റ് സെപ്റ്റംബർ 28, ശനിയാഴ്ച, ലിമറിക്കിലെ സാൻചോയിൽ സ്പോർട്സ് കോംപ്ലക്സിൽ (Seanchoill Sports Complex, Corbally Road, Eircode: V94 NX51) നടത്തപ്പെടും. അയർലണ്ടിന്റെ വിവിധ ഭാഗങ്ങളിൽ നിന്നുള്ള 9 ടീമുകൾ പങ്കാളികളാകുന്ന ഈ ടൂർണമെന്റ് രാവിലെ 9:30 ന് ആരംഭിച്ച് ഒരേ ദിവസത്തിൽ പൂർത്തിയാക്കും. മത്സരങ്ങൾ രണ്ട് ഗ്രൗണ്ടുകളിലായി നടക്കും.

ടൂർണമെന്റിന്റെ എല്ലാ ഒരുക്കങ്ങളും ലിമറിക്ക് സീറോ മലബാർ പള്ളി ട്രസ്റ്റിമാരും ഇടവക കമ്മിറ്റിയും ചേർന്ന് പൂർത്തിയാക്കിയിരിക്കുന്നു. ടൂർണമെന്റിന്‍റെ ഔപചാരിക ഉദ്ഘാടനം ലിമറിക്ക് സീറോ മലബാർ പള്ളി വികാരി ഫാ. പ്രിൻസ് മലയിൽ നിർവഹിക്കും.

ടൂർണമെന്റിന്റെ പ്രൗഡോന്മുഖതയേറിയ സമ്മാനങ്ങൾ

വിജയികൾക്ക് 600 യൂറോ, ട്രോഫി, മെഡലുകൾ റണ്ണേഴ്സ് അപ്പിന് 350 യൂറോ, ട്രോഫി, മെഡലുകൾ മികച്ച ഗോൾ സ്‌കോറർ, മികച്ച കളിക്കാരൻ, മികച്ച ഗോൾകീപ്പർ എന്നീ വിഭാഗങ്ങളിൽ പ്രത്യേക ട്രോഫികളും നൽകും.പുതു തലമുറയിലെ വിശുദ്ധനായ സെന്റ് കാർലോ അക്ക്യൂട്ടിസിന്റെ പേരിൽ നടക്കുന്ന ഈ ടൂർണമെന്റ് കായിക രംഗത്തെ ഉണർവുകൾക്ക് പുതിയ തുടക്കമാകുമെന്ന് SMYM അയർലണ്ട് നേതൃത്വം വിശ്വസിക്കുന്നു.പന്തുകളിയിൽ പങ്കെടുക്കാൻ മാത്രമല്ല, ഈ ആവേശകരമായ മാമാങ്കം സാക്ഷ്യപ്പെടുത്താനും കുടുംബാംഗങ്ങളും സുഹൃത്തുക്കളും വലിയോതുന്നും വരണമെന്ന് സംഘാടകർ അഭ്യർത്ഥിക്കുന്നു