തൃശ്ശൂരിൽ പ്രായപൂർത്തിയാകാത്ത മകന്‍ സ്കൂട്ടര്‍ ഓടിച്ചു: അമ്മയ്ക്ക് 25,000 രൂപ പിഴ

തൃശൂർ: പ്രായപൂർത്തിയാകാത്ത കുട്ടി സ്കൂട്ടര്‍ ഓടിച്ച സംഭവത്തിൽ സ്കൂട്ടറിന്റെ ഉടമയായ മാതാവിന് 25000 രൂപ പിഴ വിധിച്ച് കോടതി.

തൃശൂർ കൊഴുക്കുള്ളി സ്വദേശിയായ കുട്ടിയാണ് സ്കൂട്ടർ ഓടിച്ചത്. തൃശൂർ ചീഫ് ജുഡീഷ്യൽ മജിസ്ട്രേറ്റ് ടി മഞ്ജിത്തിന്റേതാണ് വിധി. പിഴ അടച്ചില്ലെങ്കിൽ 5 ദിവസം തടവ് ശിക്ഷ അനുഭവിക്കണം.

അപകടകരമായ രീതിയിൽ അമിത വേഗത്തിലാണ് സ്കൂട്ടർ ഓടിച്ചതെന്നും ഉത്തരവിൽ വ്യക്തമാക്കിയിട്ടുണ്ട്.