/sathyam/media/post_attachments/9NtRzgevivQSN1kamOW1.jpg "publive-image")
ന്യൂയോര്‍ക്ക് : ന്യൂയോര്‍ക്ക് സിറ്റി കൗണ്‍സില്‍ ചേംബറില്‍ നിന്നു തോമസ് ജെഫര്‍സന്‍റെ പ്രതിമ നീക്കം ചെയ്യുന്നതു സംബന്ധിച്ചുള്ള തീരുമാനത്തിന് ഒക്ടോബര്‍ 18നു ചേര്‍ന്ന ന്യുയോര്‍ക്ക് സിറ്റി പബ്ലിക്ക് ഡിസൈന്‍ കമ്മീഷന്‍ അംഗീകാരം നൽകി.
അമേരിക്കയുടെ മൂന്നാമത്തെ പ്രസിഡന്‍റും ഡിക്ലറേഷന്‍ ഓഫ് ഇന്‍ഡിപെന്‍ഡന്‍റസ് രചിയിതാവുമായ തോമസ് ജെഫര്‍സന്‍റെ പ്രതിമ കഴിഞ്ഞ 187 വര്‍ഷമായി ന്യുയോര്‍ക്ക് സിറ്റി ഹാളിന്‍റെ ഒരലങ്കാരമായിരുന്നു. ന്യൂയോര്‍ക്ക് ഹിസ്റ്ററിക്കല്‍ സൊസൈറ്റി ഈ പ്രതിമ സന്ദര്‍ശിക്കുന്നവരിൽനിന്നും 22 ഡോളര്‍ ടിക്കറ്റ് നിരക്കായി ഈടാക്കിയിരുന്നു.
പബ്ലിക് ഡിസൈന്‍ കമ്മീഷന്‍ പ്രസിഡന്‍റ് സീന്‍ നീല്‍സണ്‍ സിറ്റി ഹാളില്‍ പ്രതിമ നിലനിര്‍ത്തുന്നതിനെ ശക്തിയായി എതിര്‍ത്തിരുന്നു. സൊസൈറ്റി ഒരു സ്വകാര്യ ഇന്‍സ്റ്റിറ്റ്യൂഷൻ എന്നായിരുന്നു ഇദ്ദേഹത്തിന്‍റെ വാദം.
നൂറുകണക്കിനാളുകളാണ് ദിനംപ്രതി ഈ പ്രതിമ സന്ദര്‍ശിക്കുന്നതിനു മാത്രമായി സിറ്റി ഹാളില്‍ എത്തിയിരുന്നത്. ന്യൂയോര്‍ക്ക് സിറ്റിയുടെ ഒരഭിമാനം കൂടിയായിരുന്നു ഈ പ്രതിമ. പ്രതിമയുടെ ഭാവി ഇനി എന്താകുമെന്ന് വ്യക്തമല്ല. ഈ വര്‍ഷാവസാനത്തോടെ ഇവിടെ നിന്നും നീക്കം ചെയ്തു മറ്റൊരു സ്ഥലത്ത് സ്ഥാപിക്കുന്നതിനുള്ള നടപടികളും ആലോചിക്കുന്നതായി അധികൃതര്‍ അറിയിച്ചു.
/sathyam/media/agency_attachments/5VspLzgrB7PML1PH6Ix6.png)
Follow Us