കേരളാ കോൺഗ്രസ് സ്ഥാപക ചെയർമാൻ കെ.എം ജോർജ് അനുസ്മരണം ഡിസംബര്‍ 11ന്

തൊടുപുഴ: കേരളാ കോൺഗ്രസ് സ്ഥാപക ചെയർമാൻ കെ.എം ജോർജ് സാറിന്റെ 46-ാം ചരമവാർഷികദിനമായ ഡിസംബർ 11 - ന് ഞായറാഴ്ച അദ്ദേഹത്തെ കേരളാ കോൺഗ്രസ് നേതൃത്വത്തിൽ അനുസ്മരിക്കുന്നു. രാവിലെ 8.45-ന് മൂവാറ്റുപുഴ പോസ്റ്റോഫീസ് ജംഗ്ഷനിലെ ഹോളി മാഗി സെമിത്തേരിയിലെ ശവ കുടീരത്തിൽ നേതാക്കളും പ്രവർത്തകരും പുഷ്പാർച്ചന നടത്തി പ്രാർത്ഥിക്കുo.

തുടർന്ന് തൊട്ടടുത്തുള്ള മടേയ്ക്കൽ ഹാളിൽ നടക്കുന്ന അനുസ്മരണ സമ്മേളനം പാർട്ടി ചെയർമാൻ പി. ജെ.ജോസഫ്‌ എംഎല്‍എ ഉദ്ഘാടനം ചെയ്യും. സംസ്ഥാന, ജില്ലാ നേതാക്കൾ ജോർജ് സാറിനെ അനുസ്മരിക്കും.

ജില്ലാ യോഗം അനുസ്‌മരണ സമ്മേളനത്തിനു ശേഷം അതേ ഹാളിൽ കർഷക യൂണിയൻ എറണാകുളം ജില്ലാ യോഗം കൂടുന്നു. സംസ്ഥാന തലകർഷ പ്രതിഷേധ കൂട്ടായ്മയുടെ തുടർച്ചയായി എറണാകുളം ജില്ലയിൽ നടത്തേണ്ട സമരങ്ങൾ യോഗത്തിൽ ആലോചിക്കും. സംസ്ഥാന പ്രസിഡണ്ട് വർഗീസ് വെട്ടിയാങ്കൽ, സംസ്ഥാന ഭാരവാഹികൾ എന്നിവര്‍ പങ്കെടുക്കും.