മെയ് മാസത്തിലെ രണ്ടാം ഞായറാഴ്ചയാണ് അമ്മമാര്ക്കായി മക്കള് മാറ്റിവച്ച ദിനം. ലോകത്തിലെ എല്ലാ അമ്മമാര്ക്കും നന്ദി പറയാന് ഈ ദിനം ആഘോഷിക്കപ്പെടുന്നു. അമ്മമാരോട് സ്നേഹവും ആദരവും പ്രകടിപ്പിക്കുന്നു. ദൈവം എല്ലായിടത്തും ഉണ്ടാവാറില്ല, അതിനാല് ദൈവം അമ്മയെ സൃഷ്ടിച്ചു എന്നൊരു ചൊല്ലുണ്ട്.
'യൗവനം മങ്ങിപ്പോകും; പ്രണയങ്ങള് പെയ്തു തോരും, സൗഹൃദങ്ങളുടെ ഇലകള് പൊഴിയും; എന്നാല് അമ്മമാടെ പ്രതീക്ഷകള് അതിനെയെല്ലാം അതിജീവിക്കുന്നു എന്ന് എഴുതിയത് ഒലിവര് വെന്ഡല് ഹോംസാണ് . അമ്മമാരുടെ ശാശ്വത സ്നേഹത്തേയും നല്കുന്ന പ്രതീക്ഷകളേയുമാണ് ഈ പ്രസിദ്ധമായ വാക്യങ്ങള് ഓര്മ്മിപ്പിക്കുന്നത്
അമ്മയാണ് ഓരോ കുട്ടിക്കും ആദ്യ അധ്യാപിക, അവള് യഥാര്ത്ഥ വാത്സല്യത്തിന്റെയും കരുതലിന്റെയും പ്രതീകമാണ്. പകരം വയ്ക്കാനാവാത്ത കരുതലാണത് . അമ്മ ശക്തിയും , ആത്മവിശ്വാസത്തോടെ മുന്നോട്ട് പോകാന് പ്രോത്സാഹനവും നല്കുന്നു. ലോകത്ത് നിങ്ങളെ ഏറ്റവും കൂടുതല് സ്നേഹിക്കുന്നതും പരിപാലിക്കുന്നതും അമ്മ മാത്രമാണ്. നിരുപാധികമായ സ്നേഹം
അമ്മമാര്ക്കായി പ്രത്യേക ദിനമൊന്നും വേണ്ടതില്ല. മാതൃദിനമല്ലെങ്കിലും എല്ലാ ദിവസവും അമ്മയുടെ പ്രാധാന്യം അംഗീകരിക്കപ്പെടേണ്ടതു തന്നെയാണ് . ലോകമെമ്പാടുമുള്ള എല്ലാ അമ്മമാര്ക്കും വേണ്ടി സമര്പ്പിച്ചിരിക്കുന്ന വളരെ സവിശേഷമായ ദിവസമാണ് മാതൃദിനം. അവരുടെ സംഭാവനകള് പലപ്പോഴും അവഗണിക്കപ്പെടുന്നു, അതിനാല് ലോകത്തിന്റെ വിവിധ ഭാഗങ്ങളില് അമ്മമാരോടുള്ള ആദരവും ബഹുമാനവും സ്നേഹവും പ്രകടിപ്പിക്കുന്നതിനുള്ള ഒരു അവസരമായി മാതൃദിനത്തെ പരിഗണിക്കുന്നു.
മാതൃദിനം മദറിംഗ് സണ്ഡേ എന്നും അറിയപ്പെടുന്നു. ഇന്ത്യന് സംസ്കാരം എപ്പോഴും അമ്മമാര്ക്ക് ഒരു പ്രത്യേക സ്ഥാനം ഊന്നിപ്പറയുമ്പോള്, മാതൃദിനം ആഘോഷിക്കുക എന്ന ആശയം ആദ്യമായി ഉയര്ന്നുവന്നത് 1900 കളുടെ തുടക്കത്തിലാണ്. 1908-ല്, യുഎസിലെ അന്ന ജാര്വിസ് എന്ന സ്ത്രീയാണ് മൂന്ന് വര്ഷം മുമ്പ് അന്തരിച്ച അമ്മയുടെ ഓര്മ്മയ്ക്കായി ആദ്യമായി അനുസ്മരിക്കാന് തീരുമാനിച്ചത്.
ഏതാനും വര്ഷങ്ങള്ക്കുള്ളില്, യുഎസിലെ പല ഭാഗങ്ങളും ഈ ദിവസം മാതൃദിനമായി ആഘോഷിക്കാന് തുടങ്ങി. 1914-ല് അമേരിക്കന് പ്രസിഡന്റ് വുഡ്രോ വില്സണ് മാതൃദിനം ദേശീയ അവധിയായി പ്രഖ്യാപിച്ചു.
ഇന്ത്യയില് മെയ് മാസത്തെ രണ്ടാം ഞായറാഴ്ച മാതൃദിനമായി ആഘോഷിക്കപ്പെടുമ്പോള്,യുകെയില്, ക്രിസ്ത്യന് മാര്ച്ച് നാലാമത്തെ ഞായറാഴ്ച മാതൃദിനം ആഘോഷിക്കുന്നു. ഗ്രീസില്, ഫെബ്രുവരി 2 ന് മാതൃദിനം ആഘോഷിക്കുന്നു. യേശുക്രിസ്തുവിന്റെ മാതാവിന്റെ ദിനമായി ചില രാജ്യങ്ങളില് മാതൃദിനം ആഘോഷിക്കപ്പെടുന്നുണ്ട്.
ഈ ദിവസം, ലോകമെമ്പാടുമുള്ള ആളുകള് വിവിധ രീതികളില് ഈ ദിവസം ആഘോഷിക്കുന്നു. അമ്മമാരെ പ്രത്യേക സമ്മാനങ്ങള് നല്കുന്നു. ചിലര് അവര്ക്ക് ഭക്ഷണം പാകം ചെയ്യുന്നു. അമ്മയ്ക്ക് വിലയേറിയ സമ്മാനങ്ങള് ആവശ്യമില്ല, പക്ഷേ അവര്ക്ക്് നിങ്ങളുടെ ശ്രദ്ധയും, നിങ്ങളുടെ സ്നേഹവും, ആദരവും , എല്ലാറ്റിനുമുപരി നിങ്ങളുടെ സാമീപ്യവും പരിപാലനവും ആവശ്യമുണ്ട്. നിങ്ങളുടെ സ്നേഹം അമ്മയെ അറിയിക്കുകയും അവര്ക്കായി എന്നും സമയം കണ്ടെത്തുകയും ചെയ്യുക. മാതൃദിനത്തിലെ തീരുമാനം അതാവട്ടെ