മയൂർ വിഹാർ ഫേസ് - 2 ശ്രീഅയ്യപ്പ പൂജാ സമിതിയുടെ മണ്ഡലപൂജാ മഹോത്സവം നവംബര്‍ 16 മുതല്‍ ഡിസംബര്‍ 26 വരെ

ന്യൂ ഡൽഹി: മയൂർ വിഹാർ ഫേസ് - 2 ശ്രീഅയ്യപ്പ പൂജാ സമിതിയുടെ 16 -ാമത് മണ്ഡലപൂജാ മഹോത്സവം നവംബർ 16 ശനിയാഴ്ച്ച മുതൽ ഡിസംബർ 26 വ്യാഴാഴ്ച്ച വരെ  മയൂർ വിഹാർ ഫേസ്-2, പോക്കറ്റ് സി, ശിവശക്തി സനാതൻ മന്ദിറിൽ നടക്കും.

മണ്ഡല പൂജാ ചടങ്ങുകൾ ശനിയാഴ്ച്ച രാവിലെ 5 മണിക്ക് മഹാഗണപതി ഹോമത്തോടെ ആരംഭിക്കും. ദിവസവും വൈകുന്നേരം 7 മണിക്ക് വിളക്കുവെപ്പ്, ഭജന എന്നിവയും രാത്രി 9 മണിക്ക് ദീപാരാധനയും തുടർന്ന് പ്രസാദ വിതരണവും ഉണ്ടായിരിക്കും.

കൂടുതൽ വിവരങ്ങൾക്ക് 9999798881, 9810476436 എന്നീ നമ്പറുകളിൽ ബന്ധപ്പെടാവുന്നതാണ്.