ലാടോസറായി ലിറ്റിൽ ഫ്ലവർ ദേവാലയത്തിൽ വിശുദ്ധ കൊച്ചുത്രേസ്യയുടെയും വിശുദ്ധ സെബസ്ത്യാനോസിന്റെയും സംയുക്ത തിരുനാൾ ഒക്ടോബർ 4, 5, 6 തീയതികളിൽ

ഡല്‍ഹി: ലാടോസറായി ലിറ്റിൽ ഫ്ലവർ ദേവാലയത്തിൽ വിശുദ്ധ കൊച്ചുത്രേസ്യയുടെയും വിശുദ്ധ സെബസ്ത്യാനോസിന്റെയും സംയുക്ത തിരുനാൾ ഒക്ടോബർ 4, 5, 6 തീയതികളിൽ നടത്തപ്പെടുന്നു. 

നാലാം തീയതി വൈകുന്നേരം 6.30 ന് കൊടിയേറ്റ്, വിശുദ്ധ കുർബാന, നൊവേന തുടങ്ങിയ തിരുക്കർമ്മങ്ങൾക്ക് ഫാദർ സിജോ പുൽപ്പറമ്പിൽ കാർമികത്വം വഹിക്കും. 

ശനിയാഴ്ച വൈകുന്നേരം 5.30ന് ആഘോഷമായ തിരുനാൾ കുർബാനയും ലദീഞ്ഞും നൊവേനയും തുടർന്ന് കലാ സന്ധ്യയും അണിയിച്ചൊരുക്കിയിരിക്കുന്നു. 

ശനിയാഴ്ചത്തെ തിരുകർമ്മങ്ങൾക്ക് ഫരീദാബാദ് കത്തീഡ്രൽ പള്ളിയുടെ അസിസ്റ്റൻറ് വികാരി ഫാദർ നിവിൻ കുന്നപ്പള്ളി മുഖ്യ കാർമികത്വം വഹിക്കും. 

ഞായറാഴ്ച വൈകുന്നേരം 4 മണിക്ക് ആഘോഷമായ തിരുനാൾ കുർബാനയ്ക്ക് ഫരിദാബാദ് രൂപതയുടെ വികാരി ജനറൽ മോൻസിഞ്ഞോർ ജോൺ ചോഴിത്തറ മുഖ്യ കാർമികത്വം വഹിക്കും. 

ഫാദർ അരുൺ മഠത്തുംപടി, ഫാദർ തരുൺ ചെറുകാട്ടുപറമ്പിൽ തുടങ്ങിയവർ സഹകാർമികരാകും. തുടർന്ന് തിരുനാൾ പ്രദക്ഷിണവും സ്നേഹ സ്നേഹവിരുന്നും നടത്തപ്പെടും.