ഭക്ഷ്യ വിഷബാധ: വയനാട്ടില്‍ 40 സ്‌കൂള്‍ വിദ്യാര്‍ത്ഥികള്‍ ചികിത്സയില്‍

മാനന്തവാടി: വയനാട്ടില്‍  40 സ്‌കൂള്‍ വിദ്യാര്‍ത്ഥികള്‍ക്ക് ഭക്ഷ്യ വിഷബാധ.  മാനന്തവാടി  ദ്വാരക എ യു പി സ്കൂളിലെ വിദ്യാര്‍ത്ഥികള്‍ക്കാണ് ഭക്ഷ്യ വിഷബാധയേറ്റത്. ഇന്നലെ ഉച്ച ഭക്ഷണം കഴിച്ച കുട്ടികൾക്ക് ദേഹാസ്വാസ്ഥ്യം അനുഭവപ്പെടുകയായിരുന്നു.

ശാരീരികാസ്വാസ്ഥ്യം അനുഭവപ്പെട്ടവരെ  മാനന്തവാടി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.  ചോറും സാമ്പാറും മുട്ടയും ആയിരുന്നു ഉച്ചഭക്ഷണമായി നൽകിയിരുന്നത്. ഇത് കഴിച്ചതിന് പിന്നാലെ ചില കുട്ടികള്‍ക്ക്‌ ഛർദ്ദിയും വയറിളക്കം പിടിപെട്ടെന്നാണ് റിപ്പോര്‍ട്ട്.