രാമനാഥപുരം എൻഎസ്എസ് കരയോഗത്തിന്റെ നേതൃത്വത്തിൽ അവിട്ടം ദിനത്തിൽ നിര്‍ധനരായ ഇരുന്നൂറു പേർക്ക് ഓണസദ്യ നല്കി

പാലക്കാട്: രാമനാഥപുരം എൻ.എസ്.എസ് കരയോഗത്തിന്റെ നേതൃത്വത്തിൽ അവിട്ടം ദിനത്തിൽ അനാഥരും, നിർധനരും, അവശത അനുഭവിക്കുന്നവരുമായ നഗരത്തിലെ വഴിയോരത്തെ ഇരുന്നൂറു പേർക്ക് ഓണസദ്യ നല്കി പരിപാടിയുടെ ഉദ്ഘാടനവും വാഹനത്തിൻ്റെ ഫ്ലാഗ് ഓഫും താലുക്ക് യൂണിയൻ സെക്രട്ടറി എൻ.കൃഷ്ണകുമാർ നിർവ്വഹിച്ചു.

കഴിഞ്ഞ ഒൻപത് വർഷമായി മാനവസേവ മാധവ എന്ന ആപ്തവാക്യം മുറുകെ പിടിച്ച് രാമനാഥപുരം കരയോഗം നടത്തുന്ന ഇത്തരം പ്രവർത്തനം ജില്ലയിലെ മറ്റു കരയോഗങ്ങൾക്ക് തന്നെ മാതൃക പരമായ പ്രവർത്തനമാണ് എന്ന് അദ്ദേഹം അഭിപ്രായപ്പെട്ടു.

കരയോഗം പ്രസിഡന്റ് കെ.സന്തോഷ് കുമാർ അദ്ധ്യക്ഷത വഹിച്ചു. കരയോഗം സെക്രട്ടറി ഹരിദാസ് മച്ചിങ്ങൽ സ്വാഗതം ആശംസിച്ചു. യൂണിയൻ ഭരണ സമിതി അംഗം ആർ.ശ്രീകുമാർ, പി.സന്തോഷ് കുമാർ, കരയോഗം ജോയിൻ്റ് സെക്രട്ടറി സേതുമാധവൻ മണക്കാട്ട്, ഭരണ സമിതി അംഗങ്ങളായ ഇ.ചന്ദ്രശേഖർ, എം.വിജയഗോപാൽ, കരയോഗം വനിത സമാജം പ്രസിഡന്റ് പി.ശാലിനി, സെക്രട്ടറി അമ്പിളി സന്തോഷ്, ഗീത ഉണ്ണികൃഷ്ണൻ, പി.മഞ്ചു എന്നിവർ പ്രസംഗിച്ചു.