പാലക്കാട് - ഒലവക്കോട് റോഡിൽ വീണ്ടും കുഴികൾ നിറഞ്ഞു. ശരിയാംവിധം ടാര്‍ ചെയ്യണമെന്ന നാട്ടുകാരുടെ ആവശ്യം ശക്തമാകുന്നു

പാലക്കാട്: പാലക്കാട് നിന്നും ഒലവക്കോട്ടേക്ക് പോകുന്ന റോഡിൽ വിക്ടോറിയ കോളേജ് - ചിന്മയ കോളേജ് ജംഗ്ഷനിൽ വീണ്ടും കുഴി പ്രത്യക്ഷപ്പെട്ടു. ഒട്ടേറെ വാഹനങ്ങൾ പോകുന്ന ഈ റോഡിലെ കുഴി അടച്ചിരുന്നെങ്കിലും ശരിയാംവിധം ടാർ ചെയ്യാതെ കുറച്ച് മെറ്റലും പാറപ്പൊടിയുമിട്ട് പ്രശ്നം പരിഹരിക്കുകയായിരുന്നു. 

എന്നാൽ മഴ പെയ്തതോടെ വാഹനങ്ങൾ പോകുമ്പോൾ മെറ്റൽ ഇളകി പോവുകയും പാറപ്പൊടി ഒലിച്ചു പോവുകയും ചെയ്തതോടെ വീണ്ടും കുഴികൾ പ്രത്യക്ഷപ്പെട്ടു. ശരിയാംവിധം ടാർ ചെയ്യണമെന്ന നാട്ടുകാരുടെ ആവശ്യം ശക്തമായിരിക്കയാണ്.