ദീപു ആർ എസ് ചടയമംഗലത്തിന്  "ഭാരതശ്രീ" ദേശീയ അവാർഡ്

പ്രശസ്ത കവിയും ഗാനരചയിതാവും ലോക റെക്കോർഡ് ജേതാവുമായ ദീപു ആർ എസ് ചടയമംഗലത്തിന് നാഷണൽ ട്രേഡ് വെൽഫെയർ കൗൺസിലും, ഹ്യൂമൻ വെൽഫെയർ കൗൺസിലും സംയുക്തമായി ഏർപ്പെടുത്തിയ "ഭാരത് ശ്രീ" ദേശീയ അവാർഡ് ലഭിച്ചു.

ഹരിയാനയിൽ നിന്നുള്ള രാജ്യസഭാ എംപി കാർത്തികേയ ശർമ്മ എൻഎച്ച്ഡബ്ല്യുസി  വികസിത ഭാരത് നാഷണൽ കോൺഫറൻസും പുരസ്‌കാര ദാനവും  ഉദ്ഘാടനം ചെയ്തു. എൻഎച്ച്ഡബ്ല്യുസി ദേശീയ ഉപദേശക ബോർഡ് അംഗം പ്രശാന്ത് അവസ്തി സ്വാഗതം ആശംസിച്ചു. രാജ്യസഭാ എംപി കാർത്തികേയ ശർമ്മ ചടങ്ങ് ഉദ്ഘാടനം ചെയ്തു. ഇന്ത്യാ ഗവൺമെൻ്റ്  നാഷണൽ ട്രേഡേഴ്‌സ് വെൽഫെയർ ബോർഡ് ചെയർമാൻ 
സുനിൽ ജെ സിഗ്വി മുഖ്യാഥിതിയായിരുന്നു. 

ദേശീയ ന്യൂനപക്ഷ കമ്മീഷൻ അംഗം ധന്യകുമാർ ചിന്നപ്പ ഗുണ്ടെ, ഏഷ്യ ഷിപ്പിംഗ് ഹെഡ് പിപി സിംഗ്, ദേശീയ ട്രേഡ് വെൽഫയർ ബോർഡ് അംഗങ്ങൾ തുടങ്ങിയവർ വീശിഷ്ടാതിഥികളായി പങ്കെടുത്തു. നാഷണൽ ഹ്യൂമൻ വെൽഫയർ കൌൺസിൽ ചെയർമാൻ ഗുഞ്ജൻ മേത്ത നന്ദി അർപ്പിച്ചു. കാർത്തികേയ ശർമ എംപി, നാഷണൽ ട്രേഡ് വെൽഫയർ ബോർഡ് ചെയർമാൻ സുനിൽ ജെ സിഗ്‌വി എന്നിവർ ചേർന്ന് പുരസ്‌കാരം സമ്മാനിച്ചു.