കായിക രംഗത്ത് മികച്ച പരിശീലകനും മികച്ച മാതൃക കർഷകനുമായിരുന്നു പ്രതാപൻ: മന്ത്രി സജി ചെറിയാൻ

ആലപ്പുഴ: കായിക രംഗത്ത് മികച്ച പരിശീലകനും, മികച്ച മാതൃക കർഷകനുമായിരുന്നു കെ.കെ. പ്രതാപ നെന്ന് മന്ത്രി സജി ചെറിയാൻ പറഞ്ഞു. ജില്ലാ സ്പോർട് സ്കൗൺസിൽ സംഘടിപ്പിച്ച കെ.കെ. പ്രതാപൻ അനുസ്മരണ സമ്മേളനത്തിൽ പ്രസംഗിക്കുകയായിരുന്നു അദ്ദേഹം.

നിരവധി കായിക പ്രതിഭകൾക്ക് പരിശീലനം നൽകി സർക്കാർ സർവീസിൽ ജോലി നേടുന്നതിനും മികച്ച കർഷകനായും പാലിയേറ്റീവ് രംഗത്തെ പ്രവർത്തനവുമായി ജനകീയ മാതൃക പൊതുപ്രവർത്തകനാണ് പ്രതാപനെന്ന് അദ്ദേഹം പറഞ്ഞു.

സംസ്ഥാന സ്പോർട്സ് കൗൺസിൽ അംഗവും നിരവധി സംസ്ഥാന ദേശീയ പുരസ്കാരങ്ങൾ കായിക മേഖലയിൽ ലഭിച്ച ഒളിമ്പ്യൻ മനോജ് ലാലിന്റെ പരിശീലകൻ കൂടിയായിരുന്നു.

ചടങ്ങിൽ കെ കെ പ്രതാപൻ അമ്പലപ്പുഴ എംഎൽഎ എച്ച്.സലാം അധ്യക്ഷത വഹിച്ചു. ആലപ്പുഴ എംഎൽഎ പി.പി ചിത്തരഞ്ജൻ അനുസ്മരണ പ്രഭാഷണം നടത്തി.

ജില്ലാ സ്പോർട്സ് കൗൺസിൽ പ്രസിഡന്റ് പി.ജെ ജോസഫ്, വൈസ് പ്രസിഡന്റ് വി.ജി വിഷ്ണു എക്സിക്യൂട്ടീവ് അംഗങ്ങളായ കുര്യൻ ജയിംസ്, ടി.കെ അനിൽ, റ്റി.ജയമോഹൻ, സെക്രട്ടറി എൻ.പ്രദീപ് കുമാർ വിവിധ കായിക സംഘടനകളുടെ ഭാരവാഹികൾ എന്നിവർ അനുസ്മരണ പ്രഭാഷണം നടത്തി.