പ്രേക്ഷകരുടേയും നിരൂപകരുടേയും പ്രശംസ നേടിയ ' ചിറ്റാ ' എന്ന സിനിമക്ക് ശേഷം സിദ്ധാര്‍ത്ഥ് നായകനാവുന്ന ' മിസ് യു ' നവംബര്‍ 29 - ന് ലോകമെമ്പാടും റിലീസ് ചെയ്യും. ' മാപ്പ്‌ള സിങ്കം ', ' കളത്തില്‍ സന്ധിപ്പോം ' എന്നീ ഹിറ്റ് സിനിമകള്‍ക്ക് ശേഷം യുവ സംവിധായകന്‍ എന്‍.രാജശേഖര്‍ രചനയും സംവിധാനവും നിര്‍വഹിച്ചിരിക്കുന്ന ' മിസ് യു ' റൊമാന്റിക് എന്റര്‍ടെയ്‌നറാണ്.
തെന്നിന്ത്യന്‍ മുന്‍ നിര താരം ആഷികാ രംഗനാഥാണ് ചിത്രത്തിലെ നായിക. രസകരമായ റൊമാന്റിക് ഫീല്‍ ഗുഡ് സിനിമയായിരിക്കും ഇതെന്നാണ് അണിയറക്കാര്‍ വിശേഷിപ്പിക്കുന്നത്. ചിത്രത്തെ കുറിച്ച് സംവിധായകന്‍ എന്‍. രാജശേഖര്‍...
' ' ഘീ്‌ല ഥീൗ ' എന്ന വാക്കിനെക്കാള്‍ ' ങശ ൈഥീൗ ' എന്ന വാക്കിലാണ് പ്രണയം അധികമുള്ളത്. അതു കൊണ്ടാണ് ' മിസ് യു ' എന്ന ടൈറ്റില്‍ വെച്ചത്. എല്ലാവരും അവര്‍ക്ക് ഇഷ്ടപ്പെട്ട പെണ്ണിനെയാണ് പ്രേമിക്കുക. ഇതില്‍ നായകന്‍ തനിക്ക് ഇഷ്ടമില്ലാത്ത പെണ്ണിനെയാണ് പ്രേമിക്കുന്നത്.
കഥയുടെ ഈ ഒരു ലൈനാണ് സിദ്ധാര്‍ത്ഥിനെ ഇംപ്രസ് ചെയ്ത് സിനിമയിലേക്ക് ആകര്‍ഷിച്ചത്. എങ്ങനെ ഇഷ്ടമില്ലാത്ത പെണ്ണിനെ ഒരുത്തന്‍ പ്രേമിക്കുന്നു, അവള്‍ക്കത് അറിയാമായിരുന്നിട്ടും എങ്ങനെ അവന്‍ കണ്‍വിന്‍സ് ചെയ്യുന്നു എന്നതിന് തക്കതായ കാരണത്തോടെയാണ് തിരക്കഥ എഴുതിയിരിക്കുന്നത്. എന്റെ ഒരു സുഹൃത്തിന്റെ ജീവിതത്തില്‍ നടന്ന സംഭവമാണ് ഈ കഥക്ക് പ്രചോദനമായത്. തീര്‍ച്ചയായും ഈ കഥയില്‍ വ്യത്യസ്തതയും പുതുമയും ഉണ്ടാവും.
സിനിമാ സംവിധായകനാവാന്‍ വേണ്ടി പരിശ്രമിക്കുന്ന നായക കഥാപാത്രത്തെയാണ് സിദ്ധാര്‍ത്ഥ് അവതരിപ്പിക്കുന്നത്. വീണ്ടും യുവത്വത്തിന്റെ പ്രസരിപ്പുള്ള റൊമാന്റിക് ഹീറോ ആയി ഈ സിനിമയിലൂടെ കളത്തില്‍ ഇറങ്ങുകയാണ് സിദ്ധാര്‍ത്ഥ്.
അദ്ദേഹം തെലുങ്കില്‍ ഒട്ടേറെ സൂപ്പര്‍ ഹിറ്റ് പ്രണയ കഥാ ചിത്രങ്ങളില്‍ അഭിയിച്ചിട്ടുണ്ടെങ്കിലും തമിഴില്‍ ഇതു പോലെ റൊമാന്റിക് കഥാപാത്രത്തില്‍ അഭിനയിച്ചിട്ട് നാളുകള്‍ ഏറെയായി.
പതിവായി ചെയ്തു കൊണ്ടിരുന്ന ഒന്ന് നീണ്ട നാളുകള്‍ക്ക് ശേഷം വീണ്ടും ചെയ്യുമ്പോള്‍ അതിന് വ്യത്യസ്തതയുണ്ടാവും .അങ്ങനെ നോക്കുമ്പോള്‍ അദ്ദേഹത്തിന് ഇത് വ്യത്യസ്തമായ ഒരു സിനിമ തന്നെയായിരിക്കും. ഇതൊരു ഫീല്‍ ഗുഡ് റൊമാന്റിക് സിനിമയാണ്.
തെലുങ്ക് - കന്നഡ സിനിമയില്‍ പ്രശസ്തയായ ആഷികാ രംഗാനാഥാണ് നായിക. തമിഴിന് പുതുമുഖമാണെന്നു തോന്നാത്ത രീതിയിലുള്ള പ്രശംസനീയമായ മികച്ച അഭിനയമാണ് അവര്‍ കാഴ്ച വെച്ചിട്ടുള്ളത്.'
( കാര്‍ത്തിയെ നായകനാക്കി മിത്രന്‍ സംവിധാനം ചെയ്യുന്ന സര്‍ദാര്‍ -2 വിലെ നായികയും ആഷികയാണ്. ' മിസ് യു ' അവര്‍ക്ക് തമിഴിലെ അരങ്ങേറ്റ ചിത്രമാണ്).
രണ്ട് ബിറ്റ് സോങ്ങുകളടക്കം എട്ടു ഗാനങ്ങളാണ് ' മിസ് യു' വിലുള്ളത്. ഇതില്‍ രണ്ടു ഗാനങ്ങള്‍ പാടിയിരിക്കുന്നത് സിദ്ധാര്‍ത്ഥ് തന്നെയാണ്. ചിത്രത്തിന് വേണ്ടി അദ്ദേഹം പാടി നേരത്തേ പുറത്തിറങ്ങിയ ' നീ എന്നെ പാര്‍ത്തിയാ ', ' സൊന്നാരു നൈനാ ' എന്നീ ഗാനങ്ങള്‍ ആസ്വാദക ശ്രദ്ധ നേടി എന്നത് ശ്രദ്ധേയമാണ് .ജിബ്രാനാണ് സംഗീത സംവിധായകന്‍.
7 മൈല്‍ പെര്‍ സെക്കന്റിന്റെ ബാനറില്‍ മലയാളിയായ സാമൂവല്‍ മാത്യു വാണ് ചിത്രം നിര്‍മ്മിച്ചിരിക്കുന്നത്. അനുപമ കുമാര്‍, രമ, ജെ പി, പൊന്‍വണ്ണന്‍, നരേന്‍,കരുണാകരന്‍, ബാല ശരവണന്‍, ' ലൊള്ളൂ സഭാ ' മാരന്‍, ഷഷ്ടികാ എന്നിവരാണ് ' മിസ് യു ' വിലെ മറ്റു പ്രധാന അഭിനേതാക്കള്‍. ചിത്രത്തിന്റെ അടുത്തിടെ പുറത്തിറങ്ങിയ ടീസര്‍ യു ട്യൂബില്‍ ഒരു മില്യനിലേറെ കാഴ്ചക്കാരെ നേടി തരംഗമാകുന്നു എന്നതും ശ്രദ്ധയമാണ്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/11/22/2nX47ZP2p8lJRwffgQeD.jpg)