യുഎസ്എ: നാസയും റോസ്‌കോസ്മോസും അന്താരാഷ്ട്ര ബഹിരാകാശ നിലയത്തില്‍ (ഐഎസ്എസ്) 50 ആശങ്കാജനകമായ മേഖലകളില്‍ ചോര്‍ച്ച കണ്ടെത്തിയതായി നാസയുടെ ഇന്‍സ്‌പെക്ടര്‍ ജനറല്‍ ഓഫീസ് (OIG) റിപ്പോര്‍ട്ട് ചെയ്തു.
അതില്‍ ചോര്‍ച്ചയുടെ പ്രശ്‌നം വളരെക്കാലമായി നിലനില്‍ക്കുന്നതായും, ഈ ചോര്‍ച്ചയെക്കുറിച്ച് ആശങ്ക പ്രകടിപ്പിക്കുകയും ചെയ്തു. ഐഎസ്എസിന്റെ റഷ്യന്‍ ഭാഗത്ത് ഈ ചോര്‍ച്ച 2019-ലാണ് കണ്ടെത്തിയത്.
റിപ്പോര്‍ട്ട് അനുസരിച്ച്, നാസയും റോസ്‌കോസ്മോസും ഇത് ശരിയാക്കാന്‍ ശ്രമിക്കുന്നുണ്ടെങ്കിലും ബഹിരാകാശ സഞ്ചാരികള്‍ക്ക് ഇത് ഒരു വലിയ 'സുരക്ഷാ ഭീഷണി'യായി തുടരുകയാണെന്ന് പറയുന്നു.
ഐഎസ്എസിലെ നാല് പ്രധാന വിള്ളലുകളും ചോര്‍ച്ച സംഭവിച്ചുകൊണ്ടിരിക്കുന്ന മറ്റ് 50 പ്രദേശങ്ങളും നിരീക്ഷിച്ചു വരികയാണെന്ന് നാസ അധികൃതര്‍ പറഞ്ഞു.
സീലാന്റും പാച്ചുകളും പ്രയോഗിച്ച് റോസ്‌കോസ്‌മോസ് ഈ വിള്ളലുകള്‍ അടയ്ക്കാന്‍ ശ്രമിക്കുന്നുണ്ടെന്നും, ഈ ചോര്‍ച്ച ഗുരുതരമായ ആശങ്കയുണ്ടാക്കുന്ന കാര്യമാണെന്നും 'സുരക്ഷാ ആശങ്ക' എന്ന നിലയില്‍ ഇതിന് പ്രഥമ പരിഗണന നല്‍കിയിട്ടുണ്ടെന്നും നാസ പറയുന്നു.
ഈ ചോര്‍ച്ചയുടെ ഗൗരവത്തെക്കുറിച്ച് താന്‍ പലതവണ ആശങ്ക പ്രകടിപ്പിച്ചിട്ടുണ്ടെന്ന് നാസ അസോസിയേറ്റ് അഡ്മിനിസ്‌ട്രേറ്റര്‍ ജിം ഫ്രേ ഒരു അഭിമുഖത്തില്‍ പറഞ്ഞു. ചോര്‍ച്ച ആ ഹാച്ചിനടുത്ത് നടക്കുന്നതിനാല്‍, ആ ഹാച്ച് കഴിയുന്നത്ര അടച്ചിടാന്‍ റോസ്‌കോസ്‌മോസ് നാസയോട് ആവശ്യപ്പെട്ടിട്ടുണ്ട്. എല്ലാ വൈകുന്നേരവും ബഹിരാകാശയാത്രികര്‍ അത് ഓഫ് ചെയ്യുമെന്ന് ഞങ്ങള്‍ തീരുമാനിച്ചു എന്നും ഫ്രീ പറഞ്ഞു.
ഐഎസ്എസിന്റെ അമേരിക്കന്‍ ഭാഗത്ത് താമസിക്കുന്ന ബഹിരാകാശയാത്രികരെ എപ്പോഴും രക്ഷപ്പെടാനുള്ള വാഹനത്തിന് സമീപം നിര്‍ത്തിയിട്ടുണ്ടെന്ന് നാസ പറഞ്ഞു. എസ്‌കേപ്പ് വെഹിക്കിള്‍ ഒരു സുരക്ഷാ വാഹനമാണ്, അത് ബഹിരാകാശയാത്രികരെ അടിയന്തിര സാഹചര്യങ്ങളില്‍ സഹായിക്കാന്‍ ഉപയോഗിക്കാനുള്ളതാണ്. അതേസമയം, ബഹിരാകാശ സഞ്ചാരികള്‍ക്ക് ഇപ്പോള്‍ അപകട സാധ്യതയില്ലെന്ന് നാസയും വ്യക്തമാക്കി.
5 വര്‍ഷം മുമ്പാണ് ഈ ചോര്‍ച്ച ആദ്യമായി കണ്ടെത്തിയത്, അതിനുശേഷം ഇത് പരിഹരിക്കാനുള്ള നിരന്തരമായ ശ്രമങ്ങള്‍ നടക്കുന്നുണ്ടെന്ന് നാസ അവകാശപ്പെട്ടു. ബഹിരാകാശ നിലയം 2030-വരെ പൂര്‍ണ്ണമായി ഉപയോഗിക്കാനും സുരക്ഷിതമായി പ്രവര്‍ത്തിപ്പിക്കാനും നാസ പ്രതിജ്ഞാബദ്ധമാണ്.
കാരണം, ലോ എര്‍ത്ത് ഭ്രമണപഥത്തില്‍ വാണിജ്യപരമായി ഉടമസ്ഥതയിലുള്ളതും പ്രവര്‍ത്തിപ്പിക്കുന്നതുമായ പ്ലാറ്റ്ഫോമുകളിലേക്ക് സുഗമമായി മാറാനും ഏജന്‍സി പ്രവര്‍ത്തിച്ചു വരികയാണ്. ഈ സമയത്ത് ചെറിയ സംഭവങ്ങള്‍ ഐ എസ് എസിന്റെ പ്രവര്‍ത്തനങ്ങളെ തടസ്സപ്പെടുത്തുന്നില്ലെന്ന് ഉറപ്പാക്കാന്‍ ബഹിരാകാശ ഏജന്‍സികള്‍ പ്രവര്‍ത്തിച്ചു വരുന്നു. ഐഎസ്എസിന്റെ ആവശ്യങ്ങള്‍ നിറവേറ്റപ്പെടുമ്പോള്‍, അത് ഭ്രമണപഥത്തില്‍ നിന്ന് പുറത്തെടുക്കും.
നാസ അന്താരാഷ്ട്ര ബഹിരാകാശ നിലയം ഡീകമ്മീഷന്‍ ചെയ്യുന്നതിനുള്ള നിരവധി ഓപ്ഷനുകള്‍ പരിശോധിച്ചു വരികയാണ്. അവ വേര്‍പെടുത്തി ഭൂമിയിലേക്ക് മടങ്ങുക, ഉയര്‍ന്ന ഭ്രമണപഥത്തിലേക്ക് ഉയര്‍ത്തുക, ക്രമരഹിതമായ പുനഃപ്രവേശനത്തിലൂടെ, വിദൂര സമുദ്രമേഖലയിലേക്ക് നിയന്ത്രിത ടാര്‍ഗെറ്റ് റീ-എന്‍ട്രി എന്നിവ ഉള്‍പ്പെടെ നിരവധി ഓപ്ഷനുകളാണ് പരിശോധിക്കുന്നത്.
/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/2024/11/17/iNDV3cqffpOW5PCP8PYx.jpg)